مروة عبد المنعم عن ارتدائها الباروكة: شعري وقع بسبب أزمة نفسية

كشفت الفنانة مروة عبد المنعم، عن سبب ارتدائها باروكة خلال الفترة الماضية، كما تحدثت عن تعرضها للتنمر بسبب هذا الأمر، موضحة أنها كانت تعاني من أزمة نفسية.

نشرت "عبد المنعم" عبر حسابها الشخصي على موقع التواصل الاجتماعي فيس بوك، صور توضح المشكلة التي تعاني منها في شعرها، وكتبت: "وأخيراً إفراج نهائي من الباروكة.. بعد دوامة نفسية سيئة جدا دخلت فيها، وصلتني لـ ٧٠ كيلو وسقوط شعري بالشكل ده، اتضطريت ألبس فيها الباروكة".

تابعت: "وواحدة واحدة بدأت أفوق بفضل ربنا وأرجع لوزني وشكلي، لكن فضل شعري في الأزمة، وطبعا هو ماتعالجش بنسبة ١٠٠ في المية، بس أخدت الأمر بالإفراج عنه وتكملة العلاج عادي".

استكملت: "أنا كان فيه ناس كتير بتقعد تقولي أنتي لابسة باروكة ليه، شكلك مش، حلو فيها، بس ماكنتش عايزة أقول وقتها ولا عايزة أتكلم.. بس كان الكلام بيوجعني قوي ويزعلني على نفسي جدا، الخلاصة يا جماعة محدش ينقد حد على شكله، محدش عارف جوه الكواليس فيه إيه، بلاش نقد وتعليقات".

أردفت: "دلوقتي أنا أقدر أقول وأتكلم ولا أخجل، أنا مريت بأزمة نفسيه كانت صعبة عليا جدا، عمري ما كنت أتخيل إن الوجع النفسي ممكن يدمر بالشكل ده، لحد ما عشته وجربته

بس اللي كان بيوجع أكتر هو تدخل الناس في شكلي ولبسي للباروكة، أنا عايزة أقولكم أنا أكتر إنسانة في الدنيا لا ليا في ميكب ولا باروكة ولا أي حاجة صناعي، وكون فكرة إني اربط حياتي بباروكة كنت بتخنق وبموت منها، فمكنش ناقص تعليقات كمان،

دلوقتي أقدر أقول لكل الناس اللي قالتلي أنتي لابسة باروكة ليه، اتفضلوا حضراتكم الصورة تتحدث عن نفسها".