أحمد أمين ساخرًا: هذه أسباب اختياري لتقديم "جوائز ACA"
سخر الفنان الكوميدي أحمد أمين خلال تقديمه حفل توزيع جوائز السينما العربية التي تنقل فعالياته قناة النهار سينما على الهواء مباشرة، من اختيار المنظمين له لتقديمه الحفل، فقال ساخرًا: “قالولي انت جاي تقول كلمتين وتتعشى ومتتكلمش مع أي حد من النجوم”.
.
وأضاف أمين: “الناس بتسأل ليه اختاروا أحمد أمين عشان يقدم الحفل، وفي ناس تانية بتسأل مين أحمد أمين أساسًا، وأنا شخصيًا مش عارف ليه اختاروني”.
.
وواصل سخريته في كشف أسباب اختياره، قائلًا: “ممكن يكونوا مش عايزين يجازفوا ويصرفوا ويجيبوا نجم كبير وقالوا يجيبوني أنا ولو الموضوع نجح يجيبوا السنة الجاية نجم كبير ولو منجحش يلبسوني الليلة، ويقولوا اني انا اللي وقعت اليوم”، مُضيفًا: “في احتمال تاني إن أستاذة بوسي شلبي تكون مشغولة النهاردة”.
.
ووجه “أحمد أمين” رسالة ساخرة للأمريكان، موضحًا أننا وجدنا بديل للأوسكار، بجائزة ACA، مُستطردًا: “دي رسالة واضحة للأمريكان من هنا، احنا عندنا جوايزنا ومرشحينا ومحدش هيلوي دراعنا أبدًا…. زمانهم بيدوروا على تردد القناة دلوقتي عشان يتفرجوا على الحفلة”.
.
يُذكر أن حفل توزيع جوائز السينما العربية ACA أقيمت بالتعاون بين مجلة “دير جيست” ووكالة C.A.T وتحت رعاية إعلامية من قناة النهار وجريدة اليوم السابع والراديو 9090.
اقرأ أيضًا:
خيري رمضان: حملة تيمور السبكي خرجت من صدى البلد (1-2)
هاله صدقي: لا أعترف بالمذاهب المسيحية
حفل توزيع جوائز ACA حصريًا على النهار سينما
ميمي جمال لنجوى فؤاد: كفاية عمليات تجميل
ماما في الميديا
رسالة طوني خليفة لمرتضى منصور
يوسف فوزي يبكي على الهواء
سألنا 20 إعلامياً: ماما اسمها ايه؟
سادية الملكة أحلام
إلهام شاهين ترد على اتهامات غادة إبراهيم
.