10 تصريحات لـ"ميسي" في Yes I Am Famous
استضافت الإعلامية منى الشرقاوي في برنامجها ” “Yes I Am Famous”، المذاع عبر شاشة “MBC مصر”، الأرجنتيني ليونيل ميسي، نجم الكرة العالمي، في أول حوار له على شاشة عربية.
وينشر إعلام.أورج أبرز 10 تصريحات لميسي مع “الشرقاوي”.
1– معنديش نية تغيير فريق برشلونة ومعرفش إيه ممكن يحصل في المستقبل ولكن حاليًا مبفكرش أروح أي مكان تاني.
2– أنا بحب الكرة الإنجليزية والإيطالية ولكن كل ما يهمني فريق برشلونة.
3– أنا كسبت اللي أستاهله وكانت حاجة مش معقولة ليا إني كسبت الكرة الذهبية 4 مرات.
4– كنت بلعب كرة وأنا صغير فى أي حتة وفي الشارع والبيت، ولعبت بكل أنواع الكور، كان قليل لما نلعب بكرة إحنا اللى عاملينها.
5– مش مهم مين اللي بيدخل الأهداف في برشلونة لكن أنا بحب الفوز وبحب نجاح فريقي.
6– من وأنا صغير طريقتي في اللعب بتعتمد على عدم الخداع والأذى، وكل المدربين اللي دربوني بحبهم واتعلمت منهم، ولكن أول مدرب دربني فرانك ريكارد كان ليه فضل كبير عليا ولعبت من خلاله في الفريق الأول.
7– فريق ريال مدريد له تاريخ كبير ومن أكبر فرق العالم وصعب إننا نكسب الدوري لأننا بنلعب قدامه.
8– أنا شخص هادئ وأحب استمتع بوقتي مع عائلتي أو أقتنص وقت للسفر.
9– ابني اسمه تياجو وعنده سنتين و3 شهور، وهو بيحب الكرة وبيحب يشوطها، وعمري ما حجبره يلعب كرة قدم، هو يختار الحاجة اللي بيحبها.
10– بحب المشويات والباستا وأنا شخص بسيط جدًا في الأكل وبحب الأكل العادي.
اقرأ أيضًا:
قائمة الفائزين بجوائز السينما العربية
خيري رمضان: حملة تيمور السبكي خرجت من صدى البلد (1-2)
هاله صدقي: لا أعترف بالمذاهب المسيحية
ميمي جمال لنجوى فؤاد: كفاية عمليات تجميل
ماما في الميديا
رسالة طوني خليفة لمرتضى منصور
يوسف فوزي يبكي على الهواء
سألنا 20 إعلامياً: ماما اسمها ايه؟
سادية الملكة أحلام
إلهام شاهين ترد على اتهامات غادة إبراهيم
.