أسماء مصطفى : الأولاد ضحايا قانون الرؤية
أحمد خليفة
وجهت الإعلامية أسماء مصطفى رسالة الى كل من يهمه الامر، بخصوص “قانون الرؤية” والصعوبات التي يواجها الأب والأم لرؤية أطفالهم.
استضافت “أسماء” في حلقة اليوم من برنامج “نهار جديد” الذي يعرض على قناة “النهار one” رجل وسيدة يعاني كل منهما بسبب الصعوبات التي تواجههما في رؤية أطفالهم.
قالت “أسماء”: “إذا كنا بتكلم على القوانين الاقتصادية والقوانين اللي بتتكلم عن الاستثمار، كل القوانين دي على عيني وعلى راسي من فوق، محتاجين لها بس السكوت عن قوانين الأحوال الشخصية اللي بتخلي عندهم مشاكل نفسية، وتخلي الأب والأم عندهم أيضا مشاكل نفسية، كل دي بتكون موجودة في المجتمع، مش عيب ان احنا نتكلم عن أحوالنا الشخصية، العيب إن إحنا نسكت عنها، مئة سنة ساكتين على القوانين”.
أضافت: “والقانون اللي عايزة أعدله، بيدي حق لأم محرومة بتنادي بالرحمة، إن هي عايزة تشوف ولادها.. نفسها تستضيفهم عندها يوم، نفسها تكلم بناتها عن الأمور اللي تخص البنات، وأب نفسه يشتري لابنه لعبة او ياخذه معاه يصلي.. لو الأمر وصل الى هذه المرحلة احنا محتاجين إلى عقلاء ومحتاجين قوة القانون لإن احنا مش هنقعد في غابة”.
استكملت “أسماء”: “مع الأسف دي ظاهرة في المجتمع، جدة بعتت لنا في البرنامج، هي عندها 65 سنة توفيت بنتها وبقت هي اللي بتنفذ الرؤية علشان تشوف حفيدها رغم حرقتها على بنتها بتروح تشوف الطفل في مكان غير مؤهل ليها ولا للطفل وخوصا انه عنده أزمه صدرية ويخرج في الجو ده ينزل يشوفها الساعة 3 العصر لأن ما فيش مرونة علشان هو القانون قال تروح تشوفه في المكان الفلاني”.
تابعت أسماء: “انا حاسة إنه ما فيش روح قانون وإن هي ماتت وعليه العوض ومنه العوض مبقاش فيه روح تعاون بينا كـ بني أدمين، الأب بيكون ضحية الزواج الفاشل والأم كمان بتكون ضحية الزواج الفاشل بس في ضحايا أكبر هما ولادهم”.
https://www.facebook.com/alnahareg/videos/1059866184096220/
اقرأ أيضًا:
10 معلومات عن أوبريت #عواد_باع_أرضه
أحمد رأفت : هذه الفيديوهات هي الأكثر نجاحاً
ساندي وعلياء وإبراهيم سعيد ..الفضائح في زمن الـ”برينت سكرين”.
كل هؤلاء قتلوا جوليو ريجيني
صبا مبارك أول نجمة عربية تنضم لوكالة C.A.T
شيخ الزمالك المزعوم : أنا سبب خسارة الزمالك من الإنتاج
متصلة لخالد عليش: “أنا موطية صوتي عشان جوزي ميسمعش”
وثائق بنما (ملف كامل)
عماد أديب يوضح دور سيف اليزل في “رأفت الهجان”
.