باسم يوسف عن مهاجمي عرضه بلندن : مزقوقين

نشر الإعلامي الساخر باسم يوسف ، ردًا على الفيديو الذي تم تداوله له خلال تقديمه عرضًا مسرحيًا، فى إطار سلسلة من العروض المسرحية التى من المقرر أن يجريها الإعلامى هذا الشهر فى إنجلترا والولايات المتحدة، والتي ظهرت خلاله إحدى السيدات التي تهاجمه.

قال باسم من خلال منشور له على حسابه الرسمي بموقع التواصل الاجتماعي فيسبوك، إن من هاجموه خلال العرض، واعتبره “بيهاجم مصر”، ما هم إلا بعض الأشخاص، الذين قال عنهم “مزقوقين”، ضيفًا :”للتوضيح بس عشان اللي حصل في لندن. طبعا في عناوين بتقول اني عملت عرض مسرحي يحرض ضد مصر و فيه مصريين هاجموني و شتموني و الكلام المحفوظ ده. الحقيقة ان دول كانوا عبارة عن خمسة او ستة واضحين انهم مزقوقين من الاول و عمالين يغلوشوا عليا من الاول”.

تابع يوسف : “و اللي يطّلع يقول انا خاين و اللي يطّلع يقول ان السيسي هو مصر و مصر هي السيسي و اللي يطّلع يشتم . عرفت بعد كده لما وريت صورهم لناس اعرفهم في لندن ان دول محترفين غلوشة و بلطجة و مزقوقين من اجهزة معينة. و بيكتبوا تقارير في المصريين اللي هنا بل ان فيه واحد منهم معموله محضر هنا عشان هدد واحدة من المتظاهرات قدام السفارة بالقتل.”

استكمل يوسف بأنه رفض إخراج أي فرد من القاعة، حيث قال: “المهم انا رفضت ان يتم اخراج اي حد من العرض و كنت متوقع ان الموضوع كله معمول عشان يتم تصوير دقيقتين و ينزلوا على النت و ده فعلا اللي حصل بعد نص ساعة من نهاية العرض و نازل مع ترجمة و اخر حلاوة. المهم كان فيه ناس في المسرح مع النظام و ضد النظام و لا حد حس ان فيه اهانة لمصر او تحريض لا اي حاجة”.

وطالب يوسف بأن يتم استغلال موارد الدولة، في أمور أخرى غير “زق” بعض البلطجية عليه، حيث قال: ” انا بأطلع في سي ان ان و ووسائل إعلام مختلفة لو عايز أحرض كنت حرضت من زمان . بالعكس الناس على اختلاف ميولها استمتعوا جدا. المحزن ان موارد البلد بقت تتصرف عشان حبة بلطجية يدفعوا تذاكر عشان ييجوا يعملوا حركات عيال و يغلوشوا زي بلطجية الافراح. انا سعيد جدا بليلة امبارح دي و باستقبال الناس ليا و ياريت يتم توظيف موارد البلد في حاجات احسن من كده”.

اقرأ أيضًا:

تعرف على “اللاعبين المطربين” في إعلان فودافون “الأهلاوي”

خِصم جديد لمرتضى منصور

مفاجأت جديدة في قضية قتيل الرحاب

اتهام هيفاء وهبي بإهانة الحجاب

يوسف الحسيني يجيب على سؤال المليون جنيه لأحمد موسى

نائب يعرض تسليم جزر جديدة للسعودية

.

تابعونا علي الفيس بوك من هنا

تابعونا علي تويتر من هنا