قصيدة إسلام وهبان في ذكري الأبنودي : صدقت يا خال
“إذا جاك الموت يا وليدي
موت على طول
كل اللي اتخطفوا
فضلوا احباب
عايشين ف القلب
وكإن ماحدش غاب”
وصدقت يا خال
اول ما نداك الموت لبيت
نطيت ف القطر
وتركت البيت
من غير وناس
ولكنك سبت اهم ميراث
سيبتيلنا كلام
بيضوي ف كل زمان ومكان
حواديت وحديت بيونس كل فؤاد قلقان
سيبتلنا براح بيساع ويساع
كل اما تضيق الدنيا يا خال
القاك ع البال
وشريط الذكرى يفوت قدامى كإنه غيطان
واسرح واياك
حسك بيطبطب ويقوي كتف الشقيان
ويشاور للي مالوش قبلة
على الف طريق
لجبين الشمس وانوارها
غناويك علامات والله يا خال
اول ما اسمع معنيها بهيم
واحلق فوق حد السموات
اوقات الحرب
بنكون للغازي سيف بتار
وتقيد في قلوبنا لهيب م النار
وف وقت الزرع
بتبقى لارضك اول فاس
والله يا خال
لو كل الكون اقسم على انك مش وسطينا
هقول كداب
الجسم سراب
والارض بتحوي الف سراب
لكن ارواحنا تفوح وتبوح دايما بعطور
وانا عارف ان كلامك مسك
كل اما يمر على قلوبنا هنقول الله
لقياك كان جاه
كان نفسي انول لو بس سلام
وابوس كفيك بدموع العين
ولكن الموت سبق الملعون
لقيانا هناك وسط الفراديس
ادعيلي يا خال ما نروحش فطيس
ونكون للخلق سبيل للنور
اقرأ أيضًا:
تعرف على المشجعة الحسناء في مدرجات الأهلى
تعرف على “اللاعبين المطربين” في إعلان فودافون “الأهلاوي”
خِصم جديد لمرتضى منصور
مفاجأت جديدة في قضية قتيل الرحاب
اتهام هيفاء وهبي بإهانة الحجاب
.