عمرو الليثي للدولة : اتقوا الله فينا
قال الاعلامي عمرو الليثي بمقدمة برنامجه ” واحد من الناس ” المذاع على قناة الحياة، إن وزير النقل السابق صرح ان مديونية وزارة النقل في مصر وصلت لـ 185 مليار جنية معظمها ديون على السكة الحديد، مضيفا: “الرقم دا مش كبير شويتين، ايه كل المليارات دي ومين اللي مسئول عن تراكمها وها نسددها ازاي ..يا دولة بلا حساب اتقوا الله فينا شوية “.
تابع الليثى : “مصر دي حالها عجيب جدا اللي يشوفها من برا غير من جوا ويشوفها من القاهرة غير اللي في المحافظات والأقاليم خالص” .
تابع الليثي: “لما تتحول مدينة اسوان اللي كانت اجمل المدن السياحية الي مقلب قمامة وشوارعها بتعوم علي بحيرات من المجاري تبقي دي مصيبة ولا مش مصيبة ، ولازم السيد محافظ اسوان يشوف شغله ويحل ازمة نظافة المحافظة السياحية” .
اضاف الليثى “لما يتغيب 126 طبيب وصيدلي وممرض عن مستشفي المنزلة العام في يوم واحد تبقي دي مش مستشفي ، ولما تكتشف الخيبة دي لجنة من الصحة راحت علشان تفتيش و تفاجأ يبقي ما خفي اعظم “.