ساويرس مازحاً: "ON TV" بقت مقرفة
قال المهندس نجيب ساويرس، رجل الأعمال، إن “هناك حرية رأى كبيرة في مصر، إلا أن رد الفعل الذي يحدث جرائها والتوتر الزائد ممن يتم نقدهم يُصعب الأمر”، مضيفًا: “أنا بتشتم كل يوم من 20 جورنال واللي بيتجاوز برفع عليه قضية وكل واحد حر في رأيه”.
وعلق “ساويرس” خلال مداخلة هاتفية مع الإعلامي عمرو أديب، في برنامج “القاهرة اليوم”، المذاع على فضائية “اليوم”، على مدى تدخله في سياسة قناة “ON TV” ، مازحًا: “القناة الفضائية دي بصراحة حاجة مقرفة، ولو تشوف حد يشتريها يا عمرو يتفضل، وأنا عمرى ما تدخلت وقولت لحد يقول إيه أو يمتنع عن قول شيء معين”.
في سياق آخر، أكد رجل الأعمال، أن الحالة الإقتصادية فى مصر لم تشهد قرارات ثورية للنهوض بها، قائلاً: “ماشفتش لحد دلوقتى، أى حاجة تقول أن فى قرارات ثورية للقضاء على البيروقراطية، أو لضرب الروتين فى مقتل، وحماية الوزراء لاتخاذ القرارات، أو تغيير فى الأداء، أو تشجيع الشباب، والمشروعات الصغيرة”.
أضاف :”ما فيش حد بيقعد مع الشباب، أو بيشوف الشركات الصغيرة، والمتوسطة بالفعل، ولا بنديهم أفكار، ولا رؤوس أموال صغيرة يبدءوا بها مشروعاتهم.. مش شايف أى حاجة بتقول أن فى تغيير جذرى هيحصل يقوم الدنيا كلها”.
تسائل “ساويرس”: “أزمة الدولار هتتحل إزاى؟..والسياحة مش هترجع يبقى على الأقل نرجع الاستثمارات الأجنبية، وبنقعد نسمع عن استثمارات بالمليارات لكنها كلها فى الإعلام، لو الاستثمارات دى دخلت مصر فعلاً هتخش على الدولار تجيبه الأرض..فضلاً على أننى غير مؤيد لأننا فى معركة مع الدولار، ما يطلع أو ينزل مش هيضرنا، لأن البنزين لا بيتاثر ولا رغيف العيش، ولا السكر، ولا الفول، لكن اللي بيتاثر العربية اللي كانت بـ 400 ألف اصبحت بـ 500 ألف جنيه، واللى معاه المبالغ دى مش هيفرق معاه الزيادة دى.. فيجب علينا أن لا ننزعج من أزمة الدولار”.
اقرأ أيضًا:
الصباح: “مفيد شهاب” أشرف على رسالة دكتوراه تؤكد أن “تيران” مصرية
١٠ كوميكس تؤكد الجدل حول فيلم “هيبتا”
في ذكراه الأولى.. حكاية الزائر الوفي لمقبرة الأبنودي
تعرف على المشجعة الحسناء في مدرجات الأهلى
تعرف على “اللاعبين المطربين” في إعلان فودافون “الأهلاوي”
خِصم جديد لمرتضى منصور
مفاجأت جديدة في قضية قتيل الرحاب
اتهام هيفاء وهبي بإهانة الحجاب
.