كشف حساب من السيسي للمصريين

قال الرئيس عبد الفتاح السيسي إنه سيعرض كشف حساب للمصريين فى شهر يونيو المقبل، لكل ما تم تنفيذه من مشروعات خلال العامين الماضيين، مضيفًا: “ما تم تنفيذه بدون مبالغة غير مسبوق، ويصعب على أى شعب تنفيذه فى هذه المدة”.

وأضاف “السيسي” في كلمته خلال إطلاق شارة بدء حصاد محصول القمح بالفرافرة، اليوم الخميس: “اللي يقف يوم 3/7 ويدعو لحوار مع النظام مبيخافش، اللي يقف ويقول بدي مهلة 7 أيام لإنهاء الأزمة مبيخافش وبعدين يعطي مهلة تانية 24 ساعة”.

وتابع موجهًا حديثه للشعب المصري: ” أنا بطمن كل مصري قلق من كتر زحمة الأحداث، أنا خدت 2000 قرار في السنتين اللي فاتوا واللي ياخد القرارات دي مبيخافش.. إنتوا مش واخدين بالكم؟ متخافوش، لازم كلنا نبقى مع بعض ونعرف إن في ناس بتشتغل علشان تخلينا مختلفين، أنا مبخافش ولو خوفت المشاريع اللي بتكلم فيها مش هتخلص دلوقتي ولا كملن 10 سنين”.

ووجه الرئيس التهنئة للأقباط بمناسبة عيد القيامة المجيد، كما هنأ الشباب الذي رفع علم مصر دوليًا، قائلًا:”كان مهم جدا أن أهنئ الشباب الذى رفع اسم مصر خلال الأيام اللى فاتت، ومنهم نور الشربينى، وفريق كرة اليد فى الدورة الأفريقية، وعمرو الجزيرى”.

ونوه الرئيس إلى أنه تم إنجاز 5 آلاف كيلو من مشروع الشبكة القومية للطرق، بتكلفة 50 مليون جنيه، موضحاً أن هذه الشبكة قامت بعمل ربط لمصر، فضلا عن تنفيذ 135 كوبرى إلى الآن.

وحذر السيسي من قوى الشر التي تريد هدم الدولة المصرية، قائًلا: “إحنا في أشباه دولة مش دولة حقيقة، دولة القانون والمؤسسات الناس مش هتسيبها، وكل ما هننجح أكتر كل ما أهل الشر هيدوروا على مكايد أكتر”.