عبد الله غلوش يكتب: غلوشيات رمضانية 10
-واضح ان المخرج محمد ياسين مقتنع ان احمد مالك فيه شبه من اياد نصار وهو صغير ، عمل كده في مسلسل الجماعة وكررها السنة دي في افراح القبة.
– بعد ١٠ ايام من رمضان ، كام واحد قرر يشتري موزتين؟ .. كام واحد اقتنع انه لو وفر في الكهربا القمصان هاترخص ؟ .. كام موظف لما شاف بيومي فؤاد في حملة محاربة الفساد ، قرر يتقي ربنا في شغله؟ .. يبقي ياريت نوفر فلوس الاعلانات دي احسن.
– ترشيد المياة اكتر حاجة محتاجين لها حملات قومية مش حملة واحدة، ولغاية النهاردة مفيش ولا اعلان اتعرض بالمعني ده علي الشاشة.
– هي مش قناه ابوظبي الرياضية المفروض انها كانت اشترت اخر ٦ اسابيع في الدوري برضه ولا انا متهيألي؟
– اللي يتابع القيصر من بداية رمضان يحس انه مقتبس من prison break ، واللي يشوفه بداية من اول امبارح يحس انه بيتفرج علي النسخة العربي من arrow .. ربنا يستر ومايقلبش في النهاية علي lost.
– في نفس اليوم اللي هنا الزاهد رجعت فيه لبيت اهلها في مأمون وشركاه ، اتخطفت من بيت اهلها في الميزان.
– مش لازم اللي بيقدم برنامج كوميدي ، يعمل اعلان ناجح و دمه خفيف .. أحمد أمين ، اكرم حسني ، شادي ألفونس ، وائل منصور وايمن وتار ، ابسط دليل علي كده.
– هو العدل جروب قبل ما يعملوا مسلسلي يسرا ونيللي كريم ، ماخدوش بالهم ان البطلتين عندهم مرض نفسي والاتنين بسبب تفرقة الام في المعاملة مع اخواتهم؟
– الاسطورة .. مي عمر بعد ساعتين بس من فرحها ، اخو جوزها اتقتل و جوزها اخد 15 سنه سجن .. ولسه نسرين امين وياسمين صبري معتقدين ان محمد سامي مظبطها علي حسابهم.
– ممرضات “الخانكة” وممرضات “سقوط حر” .. المفروض نصدق مين فيهم؟
– سؤال للأستاذ هشام جمال بما انه مخرج اعلان مستشفي القلب ، هو الفستان اللي كانت لابساه اسعاد يونس ، مقصود منه ايه؟
– لا مصطفي فهمي أضاف لمسلسل عادل امام ، ولا فاروق الفيشاوي عمل بصمة في مسلسل محمود عبدالعزيز.
• بالترتيب ، Top5 الثلث الأول من رمضان :
– افضل قناة: ام بي سي مصر١
– النهار
– سي بي سي
– ام بي سي مصر ٢
– اون تي في.
– افضل مسلسل: فوق مستوي الشبهات
– الاسطورة
– افراح القبة
– ونوس
– يونس ولد فضة.
– افضل مسلسل كوميدي: بنات سوبرمان
– نيللي وشيريهان
– من التالت للخامس يحجب.
– افضل برنامج: الصدمة
– قمرة
– فن الحياة
– القاهرة اليوم
– صباح اليورو.
– افضل اذاعة: شعبي fm
– الراديو ٩٠٩٠
– نغم fm
– نجوم fm
– راديو مصر.
– افضل ممثل: يحيي الفخراني
– محمد رمضان
– خالد النبوي
– احمد السعدني
– محمد ممدوح.
– افضل ممثلة : يسرا
– لبلبة
– حنان مطاوع
– صبا مبارك
– سوسن بدر.
– افضل تتر: بوسي “الخانكة”
– كارول سماحة “وعد”
– اليسا “ياريت”
– واما “الميزان”
– لطيفة ” كلمة سر”.
– افضل اعلان: “مستشفي القلب” مجدي يعقوب
– “اتصالات” اصالة
– “زين” سعد المجرد
-“فودافون” العيلة الكبيرة
– “جهينة” الأطفال التلاته.
– ربنا يرحمك يا امي ويرحم امهاتنا جميعا ويخلي امهاتكم يارب.
نرشح لك
عبد الله غلوش يكتب: غلوشيات رمضانية 9
تفاصيل الدورة الثانية لمهرجان “إعلام.أورج” رمضان 2016
بالساعة والدقيقة.. مواعيد مسلسلات رمضان 2016
شارك واختار .. ما هو مسلسل الكرتون الذي تتابعه بانتظام؟ أضغط هنـــا
