عبدالله غلوش يكتب: غلوشيات رمضانية 16

– أفراح القبة .. في حلقة واحدة ، (٣) يا وسخة.. (٢) يا موميس .. (٢) يابن الكلب .. (٤) يا روح امك .. (١) الجمهور بيجي المسرح عشان يشوف فخادي.

– أفراح القبة .. سيد رجب .. أحدث شاذ في الدراما المصرية.

– أفراح القبة .. تحية خاصة للماكيير اللي صمم مشهد الجلد المحروق لسوسن بدر.

– سقوط حر .. أحمد وفيق الموهبة لوحدها مش كفاية.

– الميزان .. اللي عمله محمد نشأت مع أحمد فهمي في المسلسل ، فكرني باللي عملته إيناس الدغيدي مع هالة سرحان في روتانا.

– ثلاثاء القضاء الإداري .. نفسي اسمع تعليق هدي عبدالناصر علي الحكم أكتر من أي حد تاني.

– ثلاثاء القضاء الإداري .. ياريت يا جماعة كل اللي قال يحيا العدل وهلل لحكم النهارده سواء المتعلق في قضية تيران وصنافير ، او الغاء التحفظ علي فلوس ابوتريكة ، مايجيش بعد أول حكم مش علي مزاجه ويقولك شامخ وفاسد ومُسيس.

– ثلاثاء القضاء الإداري .. مكالمة أبوتريكة بعد دقايق من الحكم في برنامج “علي معادنا ” في محطة نغم fm .. الانفراد الأهم في مختلف البرامج الرياضية من أول رمضان.

– أحمد كمال قرر يتجوز الممرضة بتاعته في “الخروج” ، وزكي فطين عبدالوهاب قرر يطلق الممرضة بتاعته في ” فوق مستوي الشبهات”.

– نهي عابدين رفضت الجواز من محمد شاهين في “ونوس” ، وزينة رفضت الجواز من محمود عبدالمغني في “أزمة نسب”.

– فوق مستوي الشبهات .. محمد رمضان مات واخوه اتسجن وطلع من السجن وقتل اللي قتل اخوه ، ولسه شيرين رضا بيتحقق معاها.

– نجوم النصف الأول من رمضان :

• أفضل over act “رجالي” :
1- أشرف زكي “الميزان”.
2- محمود عبدالمغني “أزمة نسب”.
3- أشرف زكي “القيصر”.
4- زكي فطين عبدالوهاب “فوق مستوي الشبهات”.
5- نبيل عيسي”7 ارواح”.

• أفضل over act “نسائي” :
1- فريال يوسف “سقوط حر”.
2- أميرة العايدي “الميزان”
3- درة “ليالي الحلمية ، الخروج، إعلان فودافون”.
4- دنيا عبدالعزيز “الأسطورة”.
5- لقاء الخميسي “راس الغول”.

• أفضل محامية:
1- غادة عادل “الميزان”.
2- ليلي علوي “هي ودافنشي”.
3- درة “الخروج”.

• أفضل ظابط:
1- خالد النبوي “7 ارواح”
2- خالد زكي ” القيصر”.
3- جلال الزكي “الأسطورة”.

• أفضل راقصة :
1- رانيا يوسف “أفراح القبة”.
2- روجينا “الطبال”.
3- صافينار ” أبو البنات”.

• أفضل زوجة خاينة :
1- نجلاء بدر “فوق مستوي الشبهات”.
2- المغربية جيهان خليل “الخانكة”.
3- مي عز الدين “وعد”.

• أفضل مريضة نفسيا :
1- يسرا “فوق مستوي الشبهات”.
2- نيلي كريم “سقوط حر”.
3- نهي العمروسي “الخانكة”.

• أفضل بيومي فؤاد:
1- بنات سوبر مان.
2- نيللي وشريهان.
3- هي ودافنشي.

• أفضل مسرح مصر:
1- مصطفي خاطر ” نيللي وشريهان”.
2- كريم عفيفي “بنات سوبر مان”.
3- محمد أنور ” أزمة نسب”.

• أفضل مخرج ابن فنان:
1- شادي يحيي الفخراني “ونوس”.
2- أحمد محمود الجندي “نيللي وشريهان”.
3- رامي إمام “مأمون وشركاه”.

• أفضل طبق أومليت :
1- حسن الرداد وأحمد فتحي “عبور لاند”.
2- سليمان عيد “وعد”
3- حمدي الميرغني “ليالي الحلمية”.

• أفضل عمل منحوت :
1- إعلان مستشفي القلب مجدي يعقوب.
2- جراند أوتيل.
3- الكيف.

• أفضل مط وتطويل:
1- سقوط حر.
2- كلمة سر.
3- يونس ولد فضة.

• أفضل شنب:
1- عمرو يوسف “جراند أوتيل”
2- يحيي الفخراني “ونوس” ، باسل خياط “الميزان”.
3- جمال سليمان “أفراح القبة”.

• الأفضل متكررهاش مرة تانية :
1- محمد منير “المغني”.
2- لطيفة “كلمة سر”.
3- الكوميديانة ناهد السباعي “هبة رجل الغراب”.

– الغياب شكل من أشكال الحضور .. يغيب البعض وهم حاضرون في أذهاننا أكثر من وقت حضورهم في حياتنا.. سعاد العبدالله “ساق البامبو”.

– الناس لو رضيت عليك يرفوعك سابع سما ، ولو زعلت منك ينزلوك سابع أرض .. محمد رمضان “الأسطورة”.

– كلنا بنبدأ بمرحلة العشم وبعدها الزهق وبعدين بندخل في مرحلة كله محصل بعضه.. اياد نصار “أفراح القبة”.

– ربنا يرحمك يا أمي ويرحم أمهاتنا جميعا ويخلي أمهاتكم يارب.

نرشح لك

عبدالله غلوش يكتب: غلوشيات رمضانية 15

شارك واختار .. ما هو المسلسل الكوميدي الذي تتابعه في رمضان؟ أضغط هنـــا