موسى لمقدمي البلاغات ضده: للدرجة دي أنا وبكري كاتمين على نفسكم؟
طالب أحمد موسى، مقدم برنامج “على مسئوليتي”، الفقيه القانوني المستشار طارق البشري، بأن يُقسم على أن ما قاله عن تأييده للحكم الصادر أمس، حول مصرية جزيرتي تيران وصنافير، نابع من معرفته بالقانون وليس له صبغة سياسية.
أضاف موسى، خلال تقديمه حلقة الأربعاء من برنامجه الذي يُعرض عبر فضائية صدى البلد: “البلاغات اللي البعض بيقدمها ضدنا دلوقتي عشان قولنا إن الجزيرتين سعوديتان ولا هتهزّ فينا شعرة واحدة، كل الكلام اللي قولناه بوثائق رسمية، لم نقل كلمة غير حقيقية”.
تابع: “بلاغات بتتقدم ضدي وضد مصطفى بكري من وقت الحكم ما طلع.. هو إحنا تاعبينكم للدرجة دي؟ هو بس إحنا الاتنين اللي موقفين حال البلد يعني؟ للدرجة دي كاتمين على نفسكم؟ للدرجة دي إحنا مضايقين الإخوان والطابور الخامس؟ ده يبقى أنا وبكري لنا تأثير رهيب بقى، يبقى كده يعني نستحق كأس كؤوس العالم”.
استكمل: “الفارق بينا وبين الآخرين إن ليس لنا مصلحة إلا البلد، وهنفضل وراء البلد مدى حياتنا، لكن الآخرين لهم مصالح ومآرب أخرى، كنتوا فين كلكم لما الجاسوس مرسي كان بيبيع الأرض؟ ما شوفتش وقتها حد فيكم عمل بلاغ واحد”.
نرشح لك
محمد عبد الرحمن يكتب: الجمهور لا يرحم
دعاء فاروق تكتب: الكماشة رقم (١) في مصر.. قناة الحياة سابقًا
شارك واختار .. ما هو المسلسل الكوميدي الذي تتابعه في رمضان؟ أضغط هنـــا
