عبدالله غلوش يكتب: غلوشيات رمضانية 20

– آخره عتق من النار.
– اللهم بلغنا ليلة القدر.

– رمضان رمضان صبحي ومحمد رمضان.

– الأسطورة.. معنديش اعتراض بعد موت رفاعي، إن ناصر يحلق شعره ويعمل دقنه زي أخوه، لكن نبرة صوته تبقى نفس نبرة صوت رفاعي هو كمان، طب ليه وإزاي؟

– الأسطورة.. لما الأسطورة يسوق كابورليه ويسمع أغاني حب وفراق ويقعد يعيط في الشارع، تامر حسني يعمل إيه؟

– الأسطورة.. ريم مصطفى ودارين حداد، بعد سارة سلامة وميريهان حسين في “ابن حلال”، وكأن الهوت شورت حصري في الدراما على مسلسلات محمد رمضان فقط.

– أول 3 صفوف بـ 1000 جنية وآخر 3 صفوف بـ 100 جنية.. أسعار تذاكر مسرحية محمد رمضان في العيد.

– أفراح القبة.. أول مسلسل puzzle في تاريخ الدراما المصرية.

– أفراح القبة.. خناقة محمد الشرنوبي وإياد نصار على المسرح، الأفضل بين كل حلقات المسلسلات الرمضانية اليوم.

– جراند أوتيل.. مش عارف ليه المسلسل قلب فجأة على The bold and the Beautiful.

– القيصر.. كل يوم بيخسر مشاهدين جدد.

– مأمون وشركاه.. من كل فيلم أغنية، سفارة في العمارة بس المرة دي في الفيللا، حمزة العيلي نجح في الإسلامي المتشدد في فيلم “إكس لارج” يبقي أجيبه يعمل نفس الدور، طاهر أبوليلة عمل شغل حلو وسمع مع الناس لما كان مع محمد إمام في السجن بفيلم “كابتن مصر”، مفيش مانع نجيبه هو كمان يعمل نفس الدور.

– سقوط حر.. بصراحة مبقتش عارف نيللي كريم مريضة نفسياً ولا واحدة من البنات الخمسة اللي كان راكبهم عفريت في الغربية وريهام سعيد عاشت عليهم فترة.

– كل ما تبتدي تزهق من رمضان، افتكر إن شوبير وكل برامج التوك شو هترجع مرة تانية أول ما يخلص.

– الخانكة.. سبحان الله مفيش حلقة ظهرت فيها ميريهان حسين وهي بتقدم برنامجها من الحلقة الثالثة حتى الآن، إلا ولازم المخرج يتبعها بصور للناس من نفس الكافيهات ويكونوا لابسين نفس الهدوم وبيشربوا نفس الطلبات.. لو معندكش وقت تصور كادرات تانية مع مجاميع تانية، يبقي مالهاش لازمة أجيب ردود أفعال الناس في الشارع أحسن.

– وعد.. كلاكيت تاني مرة، عيب لما مي عزالدين تكتب علي التتر إن مسلسل منحوت من أكتر من 3 مسلسلات تانية إنه فكرتها.

– المشكلة إني مشوفتش واحد مسمي ابنه عاطف، وبعدها يسمي بنته بسنت.

– هي ودافنشي.. لا سني ولا صحتي يسمحولي استهلك دماغي في التفكير مع قصة المسلسل المعقدة أكتر من كده.

– يورو 2016.. أكبر غلطات الاتحاد الأوروبي لما عمل البطولة من 24 فريق.

– اللي يشوف مشكلة وائل وأيمن وشادي اللي أبوهم ساب لهم فيلا بجنينة واحدة ، تهون عليه مشكلة حسين فهمي اللي مش لاقي كومباوند واحد يتلم فيه مع أصحابه.

– نيللي وشيريهان.. أول مرة حسن الرداد يظهر في عمل مع إيمي سمير غانم وما يخطبهاش.

– نيللي وشيريهان.. واضح إن في حد أقنع حسن الرداد إن دمه خفيف في إعلان “عبور لاند”، فقرر يكرر نفس الأومليت في حلقة النهارده.

– نيللي وشيريهان.. أفضل مسلسل ممكن تتفرج عليه من غير ما تبقى مجبر تتابعه كل يوم.

– أسعار الكحك.. ساليه سوكريه من 70 لـ 110.. العبد من 55 لـ 90.. لابوار من 85 لـ 140.. DUKES من 80 لـ 140.. بسكو مصر من 58 لـ 83.. لو كرنفال من 80 لـ 140.

– المغني.. أصدق مثال على مقولة “ربنا مابيديش البني آدم كل حاجة”.

– جارة مصطفى شعبان اتخطفت من فيلتها في ماونتن فيو “أبو البنات”، ويسرا قتلت جارها الدكتور النفسي في “بالم هيلز”.. ونعم الدعاية الحقيقة.

– سهر الصايغ متضايقة إن جوزها هيتجوز عليها في “يونس ولد فضة” ومعندهاش مانع تتجوز واحد على مراته في “وعد”.

– نجوم الثلث الثاني من رمضان:

• أفضل قناة:
1- mbc مصر
2- النهار
3- Cbc
4- Mbc مصر 2
5- Ontv

• أفضل برنامج:
1- الصدمة
2- قمرة
3- فن الحياة
4- القاهرة اليوم
5- الشيف ومفيدة

• أفضل محطة إذاعية:
1- نغم fm.
2- الراديو 9090.
3- نجوم fm.
4- شعبي fm.
5- راديو مصر.

• افضل مسلسل:
1- فوق مستوى الشبهات
2- الأسطورة
3- جراند اوتيل

• أفضل مسلسل كوميدي:
1- بنات سوبر مان
2- نيللي وشيريهان
3- يونس ولد فضة

• أفضل ممثل:
1 – يحيى الفخراني “ونوس”
2- خالد النبوي “7 أرواح”
3- عمرو سعد “يونس ولد فضة”

• أفضل وجه جديد:
1- أحمد عبدالله محمود “الأسطورة”
2- محمد طارق ” الخانكة”
3- عمرو إمام “يونس ولد فضة”

• أفضل ممثل دور ثاني:
1- مصطفى خاطر “نيللي وشيريهان”
2- محمد الشرنوبي “أفراح القبة”
3- احمد فهمي ” الميزان”

• أفضل ممثلة:
1- يسرا ” فوق مستوى الشبهات”
2- صابرين “أفراح القبة”
3- أنوشكا “جراند أوتيل”

• أفضل ممثلة وجه جديد:
1- هند عبدالحليم “فوق مستوى الشبهات، بنات سوبرمان”
2- جيهان خليل “الخانكة”
3- هنا الزاهد “مأمون وشركاه”

• أفضل ممثلة دور ثاني:
1- حنان مطاوع “ونوس”
2- دينا الشربيني “جراند أوتيل” ، فردوس عبدالحميد “الأسطورة”
3- ريهام حجاج “يونس ولد فضة”.

• أفضل صورة مؤثرة في الأحداث:
1- سمير غانم “نيللي وشيريهان”.
2- عبدالله غيب “الأسطورة”.
3- صلاح السعدني “ليالي الحلمية 6”

• أفضل سيناريست:
1- محمد رجاء “فوق مستوى الشبهات”
2- محمد عبدالمعطي “الاسطورة”
3- تامر حبيب “جراند أوتيل”

• أفضل مخرج:
1- محمد ياسين “أفراح القبة”
2- محمد شاكر خضير “جراند اوتيل”
3- طارق رفعت ” 7 أرواح”

• أفضل أغنية تتر:
1- بوسي “الخانكة”
2- كارول سماحة “وعد”
3- لطيفة “كلمة سر”

• أفضل مهندس ديكور:
1- محمد عطية “أفراح القبة”
2- محمد سامي “الأسطورة”
3- كريم مهدي “المغني”

• أفضل موسيقي تصويرية:
1- امين أبوحافه “ونوس”
2- امين أبوحافه “جراند اوتيل”
3- تميم “أبو البنات”

• أفضل تصميم تتر:
1- راس الغول
2- ونوس
3- بنات سوبر مان

• أفضل مدير تصوير:
1- هيثم حسني “القيصر”
2- جلال الزكي “الأسطورة”
3- أحمد المرسي “أفراح القبة”

• أفضل تصميم ملابس:
1- ياسمين القاضي “جراند اوتيل”
2- مونيا فتح الباب “أفراح القبة”
3- عبير الانصاري “وعد ”

• افضل إعلان:
1- فريش
2- تكنو موبايل
3- زبادي ميكس

• أفضل اغنية إعلان:
1- أصالة “اتصالات”
2- سعد المجرد “زين”
3- أحمد فهمي ، أكرم حسني “orange مارينا”

– ربنا يرحمك يا أمي ويرحم أمهاتنا جميعا ويخلي أمهاتكم يارب.

نرشح لك

عبدالله غلوش يكتب: غلوشيات رمضانية 19

شارك واختر.. من أفضل ثنائي في إعلانات رمضان؟ اضغط هنـــا