عبدالله غلوش يكتب: غلوشيات رمضانية 29
1- هتفطروا ايه النهاردة؟
2- ثقة في الله نجاح.
3- شاهد فضيحة أحمد موسي، يطالب الناس بالتقشف وهو بيفطر فخدة ضاني.
4- محدش عنده ياميش مستعمل ويكون سعره حلو.
5- هو احنا لحقنا نتعود نتفرج علي الماتشات في اون تي في لما نشوف المسلسلات عليها.
6- أنا عايز الدوندو.
7- أبوهشيمة يستحوذ علي ٥٠٪ من بريزنتيشن.
8- يسرا welcome back.
9- هي نيللي كريم هاتتكلم امتي؟
10- يا حبيبي يا أمين.
11- أنا بحبك أوي يا ناصر.
12- اللهم ارزقنا قدرة محلات الحلويات علي الأبتكار في رمضان.
13- خدني تحت جناحك يا أنكل.. انا فقساك يا كوكو.
14- حلوة المسلسلات اللي بتيجي وسط الإعلانات دي.
15- أنا خايف افتح الحنفية يطلع لي بيومي فؤاد.
16- ليلي علوي أول واحدة تتخطب لأب وابنه في عملين مختلفين.
17- هو حد فهم شيرين بتقول إيه في إعلان فودافون؟
18- يا منال يا منال الأكل شمال.
19- هو مأمور قسم الدقي له علاقة بجماعة الأمر بالمعروف.
20- بيقولوا كل واحد من اللي طلعوا في إعلان فودافون خد 5 مليون جنية.
21- طب ايه رأيكم بقي إن صوت أصالة لوحدها احلي من إعلان فودافون كله.
22- هما الضيوف اللي بيطلعوا مع رامز دول بيبقوا عارفين؟
23- أبوهشيمة يزور أستديوهات البث المباشر لأون تي في لأول مرة.
24- تسريب امتحان العربي.
25- يا حبيبي يا أمين.
26- أنا بحبك أوي يا ناصر.
27- طب اللي مش فاهم حاجة في مسلسل أفراح القبة، يجي جنبي كده.
28- نفسي ألاقي في أي مسلسل واحد غني مايكونش جمع فلوسه من السرقة والرشاوي وتجارة المخدرات أو السلاح أو الآثار.
29- خلاص البلد كلها مبقاش فيها غير مرضى نفسيين ومحاميات وظباط شرطة؟
30- الخانكة.. غادة عبدالرازق راكبه سكوتر وزعلانه إن كل اللي يشوفها بيقولها يا ماكنه راكبه ماكنه
31- ميريهان حسين طالعة بدور ريهام سعيد في “الخانكة” ودور لبنى عسل في “المغني”.
32- سعادة المواطنين بالغرامات المرورية تعطينا دفعة للاستمرار فيها.
33- إفطار المقيمين فى أكتوبر والشيخ زايد على أذان القاهرة غير جائز.
34- بوسي آه يا دنيا ممكن تبدل مشاهدها في “أزمة نسب”، بمشاهدها في “راس الغول” بمشاهد سعد الصغير في “الكيف”، ومش هاتحس بأي فرق.
35- ابنتي افتحي الكباريه بتاع أمك الله يرحمها، ماتقطعيش عيش البنات اللي شغالين فيه، وتحمليها ذنوب أكتر من كده.
36- عائلتك هي الشيء الوحيد الصادق الذي سيبقى معك حتي النهاية، لا تنخدع بزحمة العلاقات.
37- فكهاني وبحب المانجة
38- ليه الدكتور بيدي المريض بينج؟.. عشان معندوش بلياردو.
39- حد يعرف الراجل اللي خرط الحاجة زينب.
40- البني آدم لما بيموت الناس لو جابت سيرته مش هيقولوا كان موظف شاطر وكفئ ولا لأ، هيقولوا كان بني آدم كويس ولا مش كويس.
41- هو عادل إمام هايبطل يشتغل مع يوسف معاطي إمتي؟
42- اللي بيفكر يعصر على نفسه لمونه، أحب اقوله إن الكيلو وصل سعره 32 جنيه.
43- حاول تتفرج على حلقة من مسلسل “كلمة سر” ، وأوعدك مش هتكررها تاني.
44- أبوهشيمة يرعي حفل سحور طلاب جامعة القاهرة.
45- يا حبيبي يا أمين.
46- إنتي السبب يا حجة.
47- أبوهشيمة يلتقط صورة سيلفي مع طلاب جامعة القاهرة.
48- الأهلي اتغلب 3 من المصري و3 من زيسيكو .. واضح إنه حب الموضوع.
49- شاهد ترقيصة رمضان صبحي لكابتن النادي المصري.
50- الدرع جالي في المنام قالي إنه مش ناوي يطلع من ميت عقبة.
51- بتحبي الكفتة؟
52- يا حبيبي يا أمين.
53- أنا بحبك أوي يا ناصر.
54- مروى ناجي دمرت أغنية طوبة فوق طوبة بتاعة آمال ماهر.
55- خالد سرحان .. مات إفيهاتيا.
56- تسريب امتحان الفيزيا.
57- الغربه تربه، لو اتدفنت فيها محدش هيحس بيك.
58- طالما ONtv سارقة مسلسلات العدل جروب، إزاي بتعرضهم لغاية النهارده؟
59- كمال أبورية رئيس جهاز أمن الدولة.. تخيل؟
60- القاهرة والناس hجرأ قناة في رمضان على أي أساس.
61- يا جماعة حنان مطاوع في ونوس غير طبيعية.
62- دايس هايعقلك ويريحك.
63- وفي قعدة اوووووه.
64- إمبراطور أستيك إيلاستيك فانتاستيك.
65- هي بيبسي مش هتعمل إعلانات ولا ايه؟
66- طب والله الشحات مبروك بيمثل أحسن من ظافر عابدين في الخروج.
67- اللي يقف معاك في فرحتك ممكن يبيعك في شدتك ، لكن اللي يقف معاك في شدتك هيفضل معاك ليوم دفنتك.
68- الناس بتحب القادر الفاجر زي ما بتحب المسكين المظلوم.
69- بالفيديو : النني يشتري شيبسي ومياة معدنية من كشك في طنطا.
70- محمد ممدوح ياخوانا ياخوانا ياخوانا.
71- السيسي أقال هشام عشان بجنينة واحدة.
72- في نفس اليوم اللي جهاز حماية المستهلك وقف عرض إعلان الداندو ، جمال سليمان قال لصابرين ، اقلعي سونتيانيك يا حليمة.
73- يعني ايه سكرتيره تاخد ٢٠ الف دولار في الشهر؟
74- من كتر ما أنا فرحان ، مش مصدق يا جماعة إن النهارده يوم التلات.
75- أخدنا الدوري يا منجاوية، وهتعملوا لنا ممر شرفي يا زملكاوية.. الله عليك يا مارتن يول يا عالمي.
76- هبعت الدرع مع عضو مجلس إدارة محترم مش زي ما الأهلي بعته مع عامل نضافه.
77- في واحد بيهيء كلب في لندن؟
78- حبك شمعة وقلبي فانوس وبتلعب بيه وحوي يا وحوي.
79- درع ايه اللي ابعته ، الأهلي فاز بسبب فودافون ورشاوي الحكام ، وهالجأ للمحكمة الرياضية.
80- مسلسل طارق لطفي هايل بس محدش بيتفرج عليه.
81- ايه الصاصبينس في إن يوسف الشريف يقف في المطبخ يعمل طبق مكرونة؟
82- يا جماعة والله مارتن يول ده مالوش في التدريب، حد يخسر من اسيك على أرضه؟
83- شريف إخرامي.
84- إزاي حلقة كاملة تعدي من سقوط حر من غير أحمد وفيق ما يستحمى فيها؟
85- أبوهشيمة يرفض تجديد عقد جابر القرموطي.
86- بسيكاتريست.
87- هو مفيش بروزولين للعين الشمال لكل اللي في مسلسل الأسطورة ولا إيه؟
88- محمد منير تشتري له ألبوم.. تروح له حفلة.. تتفرج له على كليب، إنما تتابع له مسلسل صعب.
89- موحنوس بصوت شيري عادل.
90- أبوهشيمة يعيد يوسف الحسيني لشاشة أون تي في مرة أخرى.
91- إيه ده بنت شريف تعبانه، ملعون أبو الكورة ، احنا أسفين يا شريف.
92- إيه ده بنت شريف مطلعتش تعبانه، شريف إخرامي لازم يرحل.
93- لما المسلسلات كلها رقم 1، أومال مين رقم 2؟
94- كلنا بنبدأ بمرحلة العشم وبعدها الزهق وبعدين بندخل في مرحلة كله محصل بعضه.
95- خالد النبوي أفضل ظابط شرطة في الدراما السنة دي.
96- هي خلاص مشاكل البلد كلها اتحلت ومبقاش فاضل غير ليليان داوود؟
97- إقالة جمال عبدالحميد من منصب مدير الكرة في الزمالك.
98- يا حبيبي يا أمين
99- تسريب أمتحان الدين.
100- ماشي يا حنان .. انتي السبب يا حجة.
101- عودة جمال عبدالحميد لمنصب مدير الكرة في الزمالك.
102- غانا تاني؟
103- أذكر كام يا روح أمك في مسلسلات رمضان حتي الآن؟
104- يا حبيبي يا أمين.
105- أنتي السبب يا حجه، ماشي يا حنان.
106- لو الأسطورة اخراج محمد فاضل، كنت ممكن تتوقع فردوس عبدالحميد هي اللي تعمل دور ناصر ورفاعي مش محمد رمضان.
107- لبلبة الحاجة الوحيدة اللي مصبرانا علي مأمون وشركاه.
108- صفاء الطوخي طبخت إيه في حلقة النهارده؟
109- ماليش إيد بتوجعني عشان حد يمسكني منها وعيني مش إزاز عشان حد يكسرها.
110- عملتي البتنجان يامه؟.
111- أبوهشيمة يسد ديون عدد كبير من السجينات الغارمات.
112- الجبنة البيضا دي إحساس.
113- أبوهشيمة مع النجوم في حفل إفطار أون تي في.
114- مصر في مفترق طرق بين قمصان نوم قسمت وقمصان نوم شهد.
115- عايز أتعامل مع الحياة زي ما أكرم حسني تعامل مع الكوبري اللي لبسه.
116- البنك المركزي يلغي التعامل بكروت debit خارج مصر.
117- البنك المركزي ينفي إلغاء التعامل بكروت debit خارج مصر.
118- افتتاح طريق جديد يوصلك من القاهرة لمطروح في ساعة ونص.
119- الطرق والكباري ينفي قطع المسافة من القاهرة لمطروح في ساعة ونص.
120- بدأ العمل بالتوقيت الصيفي بعد رمضان.
121- مجلس النواب يقرر إلغاء العمل بالتوقيت الصيفي.
122- أنباء عن استحواذ أبوهشيمة على جميع أسهم جريدة الشروق.
123- يا حبيبي يا أمين.
124- كله بسببك يا حجه، ماشي يا حنان.
125- خلاص كله هايعمل فيها خبير اقتصادي وهايطلع يحللنا تداعيات خروج انجلترا من الاتحاد الأوروبي.
126- يا جماعة حد يقول لحسن الرداد وأحمد فتحي إنه دمهم سخيف.
127- شريف عاملة أغنية وطنية هي اللي كاتباها وملحناها وتقريبا هي الوحيدة اللي بتسمعها.
128- يا حبيبي يا أمين.
129- هو مصطفى شعبان مش هايبطل يعيش في دور الحاج متولي.
130- هي مي عزالدين بتعيط ولا بتضحك يا جدعان.
131- يوسف الشريف أقل من كل سنة.
132- لو شاومينج هو نفسه الهلالي الشربيني مش هيبقي عارف كل المعلومات دي عن الوزارة.
133- اللهم اخزيك يا ونوس.
134- المصري بتاع جمال سليمان عايز يتضرب بالنار.
135- الحمدلله إن المعلم زينهم السماحي مات قبل ما يشوف الجزء السادس من ليالي الحلمية.
136- مين أقنع ناهد السباعي إن دمها خفيف؟
137- عايزة ريحة خدي ريحة.
138- محمد رمضان بيعيط كريم مزيل شعر.
139- بيقولوا جهات سياديه هي اللي هتشرف علي طباعه الديناميكا
140- الديناميكا اتسربت.
141- فندق كتراكت محجوز 30 سنه قدام عشان مسلسل جراند أوتيل.
142- حد عرف إن تامر حسني نزل ألبوم جديد؟
143- هي روتانا عايزه ايه من المطربين المصريين؟
144- الطبال اتظلم بعرضه حصري، لكن ده مايمنعش إن امل رزق ماينفعش يبقي اسمها ست الحسن مهما حصل.
145- عمرو سعد علم على بتوع تي إي داتا في يونس ولد فضة.
146- عملوها إزاي ولاد اللذينه دول؟
147- هي إزاي سوسن بدر جبارة كده.
148- بس روح محمد أمين راضي واضحة في أفراح القبة.
149- أنا مسئول علي اللي بقوله مش على اللي إنت بتفهمه.
150- مين البنت البيئة اللي شوهت جراند أوتيل في حلقة إمبارح دي؟
151- هاتشفطي يا رجاء؟
152- واضح محدش بيشوف زينة غير في تويتر بس.
153- ربنا يكفيك شر فخر وعنايات لما يستلموك ويجيبوا سيرتك في قعدة من قعداتهم.
154- حد يقول لشوقي الماجري إن ريسكونا اللي في الحمام دي رجالي والبيت مافيهوش غير نيللي كريم وأنوشكا وصفاء الطوخي.
155- مصطفى خاطر ومحمد سلام دمهم أخف من دنيا وإيمي.
156- صايم يا هوا صايم في مارينا.
157- كله بسببك يا حجه، ماشي يا حنان.
158- يا مروان بصوت بيومي فؤاد.
159- كلمة لكل الخنافس، هل من منافس؟
160- شوفتم الداخلية بتجري ورا الواد بتاع ثانوية عامة إزاي؟
161- يا جدعان الصورة متفبركة.
162- حد يقول للإخوان إن أردوغان اتصالح مع إسرائيل.
163- اللهم إنك عفو غفور تحب العفو فاعفو عنا.
164- يارب قبل ما أموت أشوف نجلاء بدر في دور واحدة ست شريفة.
165- حساس مش جبله.
166- أصحاب حسين فهمي تحس أنهم معهمش تمن المواصلات اللي تروحهم من اللوكيشن أساسا.
167- حد يقول لمصطفى بكري إن الفيديوهات اللي بتتبعت على جروب الواتس أب ماينفعش تتحذف من عليه.
168- مش عايز أخونك وإنتي حامل عشان ولادنا بسنت وكامل.
169- خطاب إيه ده اللي بعد أذان المغرب.
170- هو إزاي هاني رمزي مستحمل نفسه كده؟
171- عادل إمام مايعرفش يعمل مسلسل من غير ما يتريق فيها على الملتحين.
172- سعر كيو الكحك في ساليه سكريه في مستوى تاجر المخدرات المتوسط.
173- سبحان الله ابن نيللي كريم معاه أي باد من أول حلقة ومفكرش يعمل سيرش على حادثة قتل أبوه غير في الحلقة 25.
174- قالك الفساد بقصد أو بحسن نية هههههههه.
175- واضح إن الخليل كوميدي بدأ يتكاثر في البلد.
176- سيجارة الندل لا بتولع ولا تكيف.
177- الولد اللي بتتريقوا علي صوته ده، متعلم في إسبانيا يا كلاب.
178- دقن ناصر، شنب قرني، بوني تيل إياد ناصر.. ماتحاولش تعمل زيهم.
179- أمينة خليل اثبتت إن في واحدة ممكن تبقي مناخيرها طويلة بس حلوة في نفس الوقت.
180- أدعوا لعلها تكون ليلة القدر، ربنا ينتقم من اللي أقنع درة إنها بتمثل حلو.
181- البرتغال وصلت قبل النهائي من غير ما تفوز ولا ماتش.
182- حد يقول لمخرج مسلسل الطبال أن أي واحد عنده برنامج موفي ميكر ممكن يعمل حركة زووم إن وزووم أوت بسهولة، مش افتكاسة يعني.
183- عودة نبيل الحلفاوي من أجمل الحاجات في رمضان السنة دي.
184- عايز تعرف تفسير رؤية الحمار في الحلم، اشترك الآن.
185- ماينفعش تحبب نفسك في حد وإنت بتحب حد تاني غيره.
186- لو جبتي full mark في امتحانات المدرسة هاعلمك الرقص.
187- من باب الاحتياط والموضوع بجد مش هزار.
188- أنا مسئول عن اللي بقوله، مش علي اللي بتفهميه.
189- الراجل ده ربع كلامه صح.
190- أنا مش موجوعة.. أنا ست من إزاز مابحسش.
191- قتلته يا ناصر.. يا حبيبي يا أمين.
192- متعة شوبينج ايه؟.. ده أنا آخر مرة روحت فيها جنينة مول كنت في تانية إعدادي.
193- شاومينج خلص الامتحانات وبدأ يسرب مسلسلات كمان.
194- والله لسه بدري والله يا شهر الصيام.. أشهر عزومة مراكبية في تاريخ مصر الحديث.
195- كل أندية العالم عندها مشجعين، إلا الأهلي عنده أصنام.
196- وزنك زاد كام كيلو؟
197- أنا بحبك يا ناصر.
198- سبحان الله في العيد، صافينار في السينما ومحمد رمضان هو اللي في شارع الهرم.
199- قطع.
200- ربنا يرحمك يا أمي ويرحم أمهاتنا جميعا ويخلي أمهاتكم يارب.
نرشح لك
عبدالله غلوش يكتب: غلوشيات رمضانية 20
بالفيديو: أحمد الطيب يعود على هذه القناة
التفاصيل المتوقعة لنهاية مسلسل “الأسطورة”
القائمة الكاملة لنجوم مهرجان إعلام.أورج – رمضان 2016
شارك واختر.. من الممثلة الشابة الأكثر جاذبية في رمضان 2016؟ اضغط هنـــا
