متصلة لتامر أمين: جوزي هيطلقني بسببك
قالت سيدة تدعى «ياسمين» من محافظة الغربية، في مداخلة هاتفية مع الإعلامي تامر أمين، إنه كان سببا مباشرا في حدوث مشكلات بينها وبين زوجها، منوهة إلى أن تلك المشكلات وصلت إلى الطلاق.
وقالت «ياسمين»، في مداخلة هاتفية، لبرنامج «من الآخر»، المذاع على فضائية «روتانا مصرية»، مساء الخميس: «بص بقى يا أستاذ تامر أنا هقولك قنبلة انهاردة.. أنا حصل مشكلة ما بيني وبين جوزي من كام يوم وكنت أنت السبب في المشكلة دي»، فرد «تامر أمين» مازحا: «هو انتوا كل اللي اسمهم ياسمين مفيش بييجي من وراكوا خير أبدًا»، فردت عليه الإعلامية ياسمين الخطيب ضيفة الحلقة «إنت اللي موقعاتي».
وأكملت المتصلة قائلة: «أنت متابعة جيدة جدا من أيام البيت بيتك وأنا بتفرج عليك علشان موضوعيتك والبرامج والموضوعات المهمة اللي أنت بتقدمها، فمش كنت بقدر أتابعك في الحلقة المباشرة وما بقدرش أنام من غير ما أشوف الحلقة فكنت بشوفها في الإعادة ومش بنام كل يوم قبل الساعة 2.30 وبنام بعدها لوحدي.. وهو ممنوع إن التليفزيون يشتغل بالليل فكل يوم ييجي يقولي ها هتتفرجي على حبيبك.. فعلا والله العظيم مش بقدر أنام إلا لما أشوف حضرتك، لأنك فعلا بتجيبلي ملخص لكل اللي بيحصل في الدنيا.. فإنت دلوقتي النافذة بتاعتي على الدنيا«، فرد عليها قائلا:»وربما على الآخرة كمان قريب«.
وتابعت «ياسمين»: «لا هيبقى لا حياة ولا تامر أمين.. دا أنا أروح أموت بعديها»، فقاطها تامر أمين قائلا: «هو زوج حضرتك فين في المكالمة دي»، فردت عليه: «لأ هو مش موجود ما احنا اتخانقنا خناقة كبيرة جدا وسابلي البيت ومشي.. آه والله العظيم الموضوع وصل للطلاق فعلا»، فرد عليها«الحل الوحيد فعلا إنك تتفرجي على المباشر ساعتها».
نقلًا عن “المصري اليوم”
اقرأ أيضًا:
إيمان الحصري تطلب أنبوبة بوتاجاز على الهواء
أماني الخياط ترفض الهجوم على أمناء الشرطة