"طباخ الرئيس" الحقيقي يكشف تفاصيل حواره مع مبارك
قال خبير الماكياج السينمائى محمد عشوب، إن قصة فيلم “طباخ الرئيس” أخذها الكاتب يوسف معاطي من تفاصيل حواره معه، مشيرًا إلى أن الفيلم يمثل قصته مع الرئيس الأسبق حسني مبارك.
وأضاف “عشوب” في حواره مع جريدة “المصري اليوم”: “كل حاجة كنت أقول لمبارك فيه مشاكل والدنيا غالية وده اللى كان مزعل زكريا عزمى منى فأنت كده دخلت فى عش الدبابير وعندك مليون ودن وزكريا كان بيقول لى بلاش اللوك لوك”.
وتابع: “كل ده حكيته ليوسف معاطى وكتبه فى فيلم طباخ الرئيس، لأن الفيلم هو قصتى مع مبارك وكنت أجلس مع معاطى على مقهى شقاوة وأحكى له، وكان يقول لى يا عشوب دى تنفع قصة فيلم، وأقول له ما ينفعش ماكيير الرئيس يقول لى نعملها كوافير الرئيس قلت له هتلبس محمود لبيب، حتى قرر إنه يعملها طباخ الرئيس”.
وواصل: “كنت أخلص شغلى مع مبارك فى ربع ساعة وأجلس معه ساعة ونص، زكريا يقول لى هو فيه إيه والأوضة مقفولة علينا وأتحدث معه وأقسم بالله فى مره قال لى الرئيس يا عشوب يا أخى متصورتش معاك تعالى أتصور معاك ولقيته مشبك إيديه فى إيديا والصورة دى جننت زكريا عزمى وقلبت الدنيا”.
نرشح لك
[ads1]