ميار الببلاوي ترد على منتقدي زواجها: جت لي حسنات كتير

عبرت الفنانة المعتزلة ميار الببلاوي، عن استيائها من الانتقادات الموجهة إليها بعد زواجها للمرة الرابعة من المقدم وائل عباس، قائلة: “كل الكلام قعدت اضحك عليه”.

كتبت ميار، عبر حسابها الشخصي على “فيس بوك”، “النهاردة ولله الحمد جت لي حسنات كتير أوي من الناس اللي مش عاجبها فكرة اني لبست فستان زفاف وعملت فرح، واني اتجوزت واتطلقت وكلام قعدت أضحك عليه”.

أضافت “الببلاوي”: “اولًا فكرة الفستان والزفة دي من وائل ورغم اعتراضي الشديد، إلا أنه قال لي نفسي أفرح وأفرحك وأفرح كل اللي بيحبونا، ثانيًا اني اتجوزت واتطلقت قبل كده ربنا وحده أعلم اني كنت أكثر إنسانة متمنية الستر وتكره الطلاق، عمومًا أنا كفاية عليا حب اللي بيحبوني وربنا يخليكم، شكرًا على التهنئة وادعوا لي ربنا ميشمتش حد فيا وأعيش زي أي بني آدمة”.

واحتفلت ميار منذ أيام بزواجها من ضابط يدعى المقدم وائل عباس، وأقيم حفل الزفاف بإحدى الفنادق الشهيرة بمحافظة بورسعيد، حيث اقتصر فقط على أهل وأصدقاء العروسين.