موسى يُحذر من غلاء الأسعار: شوفوا حل - E3lam.Com
وليد سمير
انتقد الإعلامي أحمد موسى موجة ارتفاع الاسعار في السوق المصري، وطالب المسؤولين بضبط الأسعار.
وأضاف موسى خلال حلقة اليوم من برنامج “على مسئوليتي” المذاع على قناة “صدى البلد” أن الشعب المصري لأول مرة يتحدث في موضوع غلاء الأسعار منذ 3 سنوات، وتابع:”علينا أن ننتبه للأسعار، كل المكالمات والرسايل اللي بتجيني بتتكلم عن الأسعار، المشكلة دي لازم نلحقها”.
وأكد “موسى” أن المسؤولين عليهم حل تلك الأزمة دون تأخير قائلًا: “المسؤول اللي يقعد في مكتبه دلوقتي عنده مشكلة، والمحافظين ورؤساء الأحياء لازم ينزلوا الشارع ويلفوا في الأسواق، ويشوفوا حل في مشكلة ارتفاع الأسعار دي”.
وذكر موسى أن ارتفاع الأسعار لا يستطيع أن يتحمله المواطن المصريٍ وأن جشع التجار هو الذي أدى إلى ارتفاع الأسعار، وتابع: “مش لازم التاجر يكسب 10 أو 15 جنيه في الحاجة، كفاية يكسب في الحاجة جنيه واحد بس دلوقتي”.
ونوه “موسى” إلى أن هناك من يستغل موجة ارتفاع الأسعار في الأسواق، للتحريض ضد الدولة المصرية.
كما انتقد موسى إفراج النائب العام عن اثنين من المتهمين في قضية فساد صوامع القمح قائلًا: ” المستشار نبيل صادق النائب العام أفرج عن اتنين من المتهمين في قضية فساد القمح، واحد فيهم دفع 77 مليون والتاني دفع 85 مليون جنيه، الناس دي جابت الفلوس دي منين، ده بيدفعوها كأنها 85 قرش أو77 قرش، الناس دي طيب دفعت وطلعت بس هل هتكون في محاكمات ليهم ولا لأ، الناس دي عملت مليارات من على قفا الشعب”.