سبب بكاء هاني شاكر على الهواء

لم يتمالك نقيب الموسيقيين، الفنان هاني شاكر دموعه بعدما شاهد مقطعاً مصوراً لحفيديه مجدي ومليكة، وجها فيه رسالة حب لجدهما الذي تولى رعايتهما بعد رحيل والدتهما دينا بسبب مرض السرطان، وأكد هاني أن حفيديه أصبحا كل حياته، وأنه يتعلم منهما يومياً الصبر وطول البال.

وأضاف خلال استضافته في برنامج “الستات ميعرفوش يكدبوا” الذي تقدمه كل من الفنانة منى عبد الغني والإعلامية مفيدة شيحة، عبر شاشة cbc: “زوجتي نهلة بتعمل معاهم مجهود جبار، وأحفادي كانوا بيستغربوا لما الناس كانت في الشارع يسلموا عليه، لكن فهموا اني مطرب، وأي حد بيتصور معايا بلاقيهم إجباري يتصوروا هما كمان”.

وكشف “شاكر” تفاصيل التعرف على زوجته نهلة، مؤكدًا أنه شاهدها للمرة الأولى من خلال أحد الفيديوهات في فرح كان يفترض أن يذهب إليه، وأضاف: “شفتها في الفيديو قولت مين دي أنا عايز أتعرف عليها، وشها كان مريح قوي بالنسبة لي وكل حاجة فيها عجبتني.. بعدها تم الاتفاق على ميعاد مدبر طبعًا لما اتكلمت معاها خدتني أكتر”.

تابع: “الاختيار كان صائباً والنظرة اللي شدتني ليها في الأول كانت في محلها، طلعت متكلمة ودمها خفيف وفيها حاجات كتير مني وبينا حاجات مشتركة كتير مثل عشق مشاهدة أفلام الرعب.. عشان كده بقينا أصحاب مش أزواج بس وهو ده اللي بيعيش”.