حسن الرداد عن "ارتباطه" بإيمي سمير غانم: قلة ذوق!
أكد الفنان حسن الرداد، أنه ليس مترددا فى الزواج، موضحًا أنه يتمنى الزواج مبكرًا، خاصة أن والده تزوج في سن صغير، الا أن ظروف الحياة سبب عدم زواجه إلى الوقت الحالي.
وأضاف الرداد خلال حواره مع الإعلامي عمرو الليثي ببرنامج “واحد من الناس”، المذاع على قناة الحياة: “أعشق فكرة الأسرة، لكن الظروف اللي مريت بها من موت أخويا وبعدها والدي، ثم ذهابي إلى القاهرة عشان أمثل، خلتني مقدرش أتجوز عشان بشوف مستقبلي وهذة المهنة ليست لها ضمانات”.
وأشار حسن إلى أنه لا يطلب مواصفات معينة لشريكة حياته، وتابع: “ياريت ألاقى واحدة نص أمي، لأن فكرة أمهات زمان أصبحت غير موجودة في الجيل الحالي، يعني الطاقة القوية والعطاء الرهيب لأمهات زمان مش موجود دلوقتي”.
وعن شائعات ارتباطه بالفنانة إيمي سمير غانم، رفض الرداد الحديث عن هذا الأمر، قائلًا: “مش عايز أتكلم فى الموضوع ده، لأن الناس اتكلمت فيه كتير جدًا، ومعندهمش حق وأصبح موضوع مضايقني وبقى زيادة عن اللزوم، ومش عشان إنسان مشهور وشخصية عامة يتدخلوا في الأمور الشخصية، وتناقل الخبر ده في وسائل الإعلام وصل لمرحلة قلة الذوق لأن سنة كاملة بيتكلموا في نفس الموضوع، وأنا رديت قبل كدة ومش هرد تاني”.
وواصل: “اللي بيسألني فيه بقيت أسيبه وأمشي، أنا رافض التدخل في الموضوع ده، ولو عندي حاجة هقولها”، مشيرًا إلى أن هناك كيمياء كبيرة جمعت بينه وبين إيمي في العمل، نافيًا أن تكون هذة الشائعات أثرت على علاقتهما في العمل.