أمين عن مطاردة المصيفين لـ"قرش شرم الشيخ" : عشان من قطر
وليد سمير
سلط الإعلامي تامر أمين الضوء على التنبيه الذي أطلقه خالد فهمي، وزير البيئة، بعد أن حذر المواطنين، في سواحل شرم الشيخ، من خطر التعرض لسمة قرش ظهرت هناك.
أوضح تامر أمين خلال حلقة اليوم السبت من برنامج ” الحياة اليوم” المذاع على قناة “الحياة” أن وزير البيئة أدلى اليوم بتصريحات وتحذيرات في منتهى الغرابة، مضيفًا: “قال للمواطنين في سواحل شرم الشيخ والغردقة وغيرها.. أرجوكم لا تركبوا القرش، أرجوكم مالكومش دعوة بالقرش، أرجوكم سيبوا القرش في حاله، ماتكفروهوش”.
علق “أمين” على ما قاله الوزير، مشيرًا إلى أن الشعب المصري “شعب المليون قنبله، الشعب اللي بينزل يتفرج على حظر التجوال لما بيفرض، والشعب اللي بينزل يتفرج على تفكيك القنابل لما بتتحط وتتزرع، وهو الشعب اللي بدل ما بيجري من القرش، هو اللي بيجري ورا القرش”.
واصل أمين سخريته من مطاردة المصيفين المصريين لقرش شرم الشيخ قائلًا: “بيطاردوه عشان هو بهلول ووزير البيئة قالنا قبل كدة إن أصله قطري، فالظاهر علشان كدة المصريين بيجروا وراه”.
في سياق آخر انتقد الإعلامي تامر أمين خلال حلقة اليوم، الصورة التي ظهرت عليها المدارس مع بداية العام الدراسي الجديد، حيث عرض صورة خلال البرنامج لمدرسة في مدينة كفر الدوار بمحافظة البحيرة، يظهر فيها تكدس أولياء الأمور وأبنائهم على أبواب المدرسة، وقفزهم للدخول إليها عبر السور، ليحجوزا لأبنائهم أماكن في الصفوف الأمامية في الفصول.
أضاف تامر أمين :” ده حال المدارس الحكومية، المفروض النهاردة إننا نعرض تقرير مبهج عن بداية العام الدراسي الجديد، بس ده الحال، ودي صورة كاشفة، لموسم دراسي ده بدايته، فتخيلوا العام الدراسي على ولادنا في المدارس هيكون عامل إزاي، والمسؤل عن كدة سيستم وزارة التربية والتعليم”.