فيفي عبده: برقص فى فاترينه ماحدش يقدر يلمسها - E3lam.Com
أعربت الفنانة فيفى عبده عن فخرها كونها “راقصة”، قائلة”: “الرقاصة هاتعرف تربى كويس.. وفخورة إنى أنا فيفى عبده الرقاصة، أنا برقص فى فاترينه ماحدش يقدر يلمسها، والدور والباقى على اللى بيرقصوا فى حتت الناس مايعرفوش عنهم حاجة”.
و بمناسبة الاحتفال بيوم المرأة العالمى قالت فيفي عبده: “البنت قمة الرجولة، وأنا مخلفة بنات زى الرجالة قمرات وربيت كويس قوى، مؤكدة أن الأولاد رزق من الله ومكسب”.
وأوضحت فيفى عبده فى مداخلة هاتفية لبرنامج “ست الحسن”، الذى تقدمه الإعلامية شريهان أبو الحسن ويذاع على قناة “ON E” أن والدتها قامت بتربيتها بعد انفصال والدها عن أمها، وتحملت تربية 6 بنات كل أخواتها، مضيفة: ربيت بناتى زى أمى ما ربتنى، وماتعبتش فى تربيتهم أبدًا ولما ببص ليهم يعرفوا أنا عاوزة إيه؟”.
وعن حضورها المكثف بوسائل التواصل الاجتماعى، قالت فيفى عبده، “أنا متعايشة مع السوشيال ميديا بالرغم من عدم وجود وقت كافٍ، وبحب جمهورى وبسيطة جدًا معاهم، وماعنديش فذلكة والمناظر الكذابة اللى بعض الناس بتعملها”.