مظهر شاهين عن حضوره "هز وسط البلد": لو عملت عمرة هينتقدوني
سما جابر
دافع الداعية ” مظهر شاهين ” من خلال برنامجه “الطريق “، المذاع على قناة التحرير عن حضوره العرض الخاص لفيلم “هز وسط البلد”، و حول الضجة التي أثارها بعد حضوره للفيلم قائلاً: ” الناس اللي بينتقدوني فريقين.. فريق عايز مصلحتي و شايف إن ماينفعش أحضر فيلم وشايف إني ماينفعش أعمل كده كداعية وشيخ.. وهذا الفريق أنا أحترمه و أتقبل نقده جداً ونختلف في وجهات النظر لكن كل واحد حر في رأيه و يتمسك به.
و أضاف شاهين: ” في فريق تاني لو عملت عمرة هينتقدني لو حجيت هينتقدني ولو حضرت مباراة كرة قدم هينتقدني، ده بيشتم على طول وهدفه الشتايم و البذاءات و قلة القيمة ، أنا بعمل دايماً اللي أنا شايفه صح و مقتنع بيه ، و اللي بعمله دلوقتي الناس هتعمل زيه بعد 100 سنه “.
ثم أوضح رأيه عن الفن قائلاً ” أنا مش شايف إن في تعارض بين الفن و الدين ، الفن بيخدم البشرية إذا إستخدمناه صح ، السينما مش حرام إذا أحسنا استخدامها ، حضور الفيلم أو خلافه دي مسألة شخصية ، و لو شوفتوا الفيلم هتغيروا رأيكو خالص ، اسم الفيلم حاجة و مضمون الفيلم حاجة تانية “.
ثم وجه شاهين رسالة لمنتقديه ” اللي انتقدنى بمنتهى الأدب و الاحترام ( كلامك على راسي من فوق و أنا متمسك بموقفي تماماً ) ، أما الذي ينتقدني بهدف الشتائم و البذاءات ( كلامك تحت حذائي ) الفرق بيني و بينكم إن اللي بيشتمني دلوقتي بعد شهرين تلاتة هيتفرج على الفيلم في التلفزيون، فأنا بعمل اللى مقتنع بيه أمام الناس كلها اللي بشوفه في بيتي بعمله في الشارع و بعمله في الجامع ، أنا صريح ، أنا مابخفش من حاجة بعملها ، إنما انتوا بتعملوا زيي بس في الضلمة ، هتتفرجوا عالفيلم بس في الضلمة و هتطلعوا للناس تحرموه، أنا رمز للنور و أنتم رمز للظلام “.
اقرأ أيضًا:
مظهر شاهين يدعم فيلم الهام شاهين
انقلاب داخل الإخوان بسبب هاشتاج “مروج مخدرات”