ريهام سعيد لمتصل يطلب المساعدة: روح للإبراشي

هاجمت الإعلامية ريهام سعيد، متصل يدعى محمود من الأقصر، وهو شقيق النائب البرلماني أحمد إدريس، والذي اتصل عليها ليستنجد بها لإنقاذ مواطن داخل أحد المستشفيات تعرض للإهمال الطبي.

ردت “ريهام” على المتصل خلال برنامجها “صبايا الخير” الذي تقدمه عبر فضائية النهار، قائلةً “روح لوائل الإبراشي خليه يشوفلك المشكلة، ولا أنا بقيت حلوة دلوقت!!”، مؤكدةً أن تعرف هذا الصوت، لأنه “نفس الصوت اللى دخل وقال إن أنا واحده بتفضح الناس ولازم ادبح ومينفعش أظهر تاني، وكأني أنا مشكلة مصر كلها” على حد قولها.

أضافت أن نفس الصوت، بنفس الاسم، بنفس الشخصية، هاتفها منذ 10 أشهر بالضبط، في وقت كانت تبكي فيه بشدة لتعرضها لظلم شديد، و”باصه لأمي اللى جالها أزمة قلبية وولادي وورق العيانين، وكل الكلام السيئ كان بيتقال عليا”، موضحةً أنه تم إظهارها على أنها تفضح الناس، وأنها إنسانة قميئة بكل ما تحمله الكلمة من معنى، وأنه لا توجد أي مشاكل في البلد سوى ريهام سعيد، مضيفةً “روح كلم الابراشي ولا أنا بقيت حلوة دلوقت”.

أشارت “ريهام” إلى أنه تم النظر إليها كإنسانة تعشق الفضائح، وكأنها لم تفعل خيرًا قط في حياتها، قائلةً “اللى كان شايفني وحشة يا ريت يفضل شايفني وحشه، يا ريت يخلوهم على مبدأهم وميغروش مواقفهم، عشان احترمهم”.

وتابعت “ليه الناس بـ100 وش كده، ليه لما الناس بتحتاج خدمة ومصلحة ومعندهاش مبدأ يجروا عليك يكلموك، يا ريت كل اللى بيكلمني على التليفون ده ومسألش عليا في العشر شهور اللى فاتوا متكلمونيش تطلبوا حاجة مني لأنى مش هرد عليكم”.

https://www.youtube.com/watch?v=nZygKoW3FEY