مينا عادل جيد يكتب: كلمتين ونص لشهر يناير

• – هي دي السنة الجديدة؟
– هو ده الزبون؟

• – مساء الخير يا افندم هو ده «كوكب المشترى» ؟
– يابني ما خلاص إللي اشترى اشترى

• «عنصري || » الأمة في مصر يحتجون على «عنصرية» ترامب في أمريكا.

• وأنت تشجع «منتخب مصر» الذي يتكون من ١١ لاعب ودكة بدلاء كلهم مسلمين تذكر جيدا أن «ترامب» رجل عنصري أحمق.

• سؤال يراودني منذ عيد الميلاد المجيد هل الأستاذ «سمير الإسكندراني» سيعود للإسكندرية في نفس اليوم بعد حضوره قداس العيد في الكاتدرائية العباسية ، أم أنه مستأجر سكن في القاهرة لمثل هذه المناسبات الوطنية؟

• «يوم 25 يناير» ، ناس شايفيه «يوم ثورة» ، وناس شايفينه «يوم نكسة»، وناس شايفينه «يوم إجازة» ودول أعقل ما فينا.

• ماتت قلوب الناس ماتت بنا النخوة، يمكن نسينا في يوم إن «علاء وجمال» أخوة !؟

• كل العذر للفنانة «شيرين عبد الوهاب» في قولها عن الفنان «عمرو دياب» : “كبر خلاص وراحت عليه وأحنا الجيل اللي جاي” ، وهذا ما يذكرني بفيلم «شيء من الخوف» لما كان «رشدي» بيسكر ماكنش بييقول غير “أنا عتريس، أنا أجدع من عتريس أنا شراني أنا بلوة سودة”

• إللي بنا بنا مصر كان في الأصل«زكريا الدرديرى» مدرس رياضيات وفرنساوى عقبال ما يجيبوا مدرس فرنساوى.

• لم يمت « سيد حجاب » بل ذهب إلى «جنة م الإنسانية» التي كان يحلم أن يفتح عينه عليها ولم تتحقق في الأرض.

• إدعموني للمشاركة في معرض الكتاب القادم بهذه القصيدة :-
«مِنة» إيه إللي جرا بنا !؟
فيها إيه لو أتشاقىَ سِنه
فاكره يوم ما اتقابلنا؟
في فرح رشا
لأ .. سوري في الحنة
سهرنا … سكرنا…. غورنا
إلا إنتي يا «مِنة»
كان كل إللي في الحنة
كان كله يحلف بدماغ «مِنة»
“«مِنة»… إيه إللي جرا بنا!؟
«مينا عادل جيد» من ديوان «مِنة وإللي بنا» معرض الكتاب 2018