"اللي عنده معزة يربطها".. كيف انتشرت هذه العبارة؟ - E3lam.Com
انتشرت بسرعة كبيرة على مواقع التواصل الاجتماعي، وعلى موقع البحث جوجل، فيديو لمكالمة أو بالأحرى “فويس نوت” متبادل بين ولي أمر طالب وطالبة لأطفال بالمرحلة الإبتدائية، يجمعهم جروب على تطبيق “واتس آب” في إحدى المدارس.
وأثارت طريقة النقاش سخرية كبيرة حيث كانت ولي أمر الطالبة، تشتكي من تصرف ابن أحد أولياء الأمور، الذي قبَّل واحتضن ابنتها، قائلة: “أنا واحدة متنقبة، جوزي ملتحي، وبناتي لم تلعب مع أولاد، أنا ديني بيمنع الاختلاط، أنا مقبلش كدة”.
وأضافت: “بناتي مبتلعبش مع بويز، ابنك بيبوس بنتي بتاع إيه، أخوها عايز يروح يضرب ابنك بكرة، ابنك ملوش دعوة ببنتي”.
و رد والد الطالب، قائلًا: “أنا هتكلم على الجروب، وليس على الخاص، اللي عنده معزة يربطها، أنا ابني يبوس اللي هو عايزه، لو بنتك محترمة ومؤدبة مكنتش خليته يبوسها وكانت اشتكت للأبلة”.
وتداول النشطاء الفيديو فيما بينهم من خلال صفحاتهم الشخصية، وتبادلوا الكوميكس الساخرة من طريقة كلام كلا الطرفان، معلقين على ما حدث، كلا حسب وجهة نظره.
من جانبها حاولت إحدى أولياء الأمور في المدرسة توضيح حقيقة ما جرى، وتدعى أم عبدالله الشواف، وذلك من خلال منشور على صفحتها على الفيس بوك، نقله موقع “الوطن”.
قالت في جزء منه: “اللي طلع التسجيل مش طلع باقي التسجيلات لأنه التسجيل ده بتاع أم البنت، بعدها أم الولد ردت وبعدين أم البنت ردت عليها.. الشاهد إن الموضوع له تكملة مش وقف عند هذا التسجيل، كان نفسي الرد التاني بتاع أم البنت يتنشر زي ما ده اتنشر عشان الناس تفهم أساس الموضوع وخلفياته من أول السنة، لكن حد قصد يطلع تسجيل معين لغرض معين”.
وأضافت: “عشان المصريين شعب فاضي وغير منصف نهائيا وبيحبوا يتفذلكوا ويحكموا على الناس بمزاجهم.. الولد ده من أول السنة قرفنا في المدرسة كلام في حاجات منتهى قلة الأدب والسفالة وشتيمة كمان، وصدقا أنا أستحى أقول الكلام اللي بيقوله وعيالنا سمعوه منه، وإحنا كأمهات تواصلنا الأول مع أمه عشان سلوكيات ابنها إن كان سلوك لفظي أو سلوك أخلاقي لكن للأسف مافيش أي موقف بيتاخد مع الولد وبيزداد في قلة الأدب وآخر ما زهقنا تم التواصل مع المدرسة وتم استدعاء ولي أمر الولد والمدرسة دلوقتي متابعة الولد”.
وأردفت: “إحنا لا نعيب أبدا على الطفل لأنه مهما كان ده طفل ومحتاج متابعة وتقويم وده اللي كنا بنطلبه، وشيء تاني مهم جدا من باب الإنصاف، رد الرجل غالبا ده مش أبو الولد لأنه جروب (واتس آب) كله أمهات مافيش رجاله خالص، هو غالبا حد عمل تسجيل من باب التنكيت والتريقة وتم نشر تسجيل الرجل ده على أنه أبو الولد”.
واختتمت بالقول: “وأخيرًا أنا بجد كان لازم أرد لأنه الموضوع زاد عن حده وسبحان الله ربنا قدر لأم البنت تاخد حسنات وهي قاعدة في بيتهم وكفى قولها لي على كل اللي حصل ده حسبي الله ونعم الوكيل”.