والدة شهيد لـ السيسي: أنت نفس نورانية - E3lam.Com
قدمت والدة الشهيد محمد علي زين الدين الشكر للرئيس عبدالفتاح السيسي ووزير الدفاع الفريق أول صدقي صبحي، ووزير الداخلية اللواء مجدي عبدالغفار، لتكريمهم أمهات أبطال القوات المسلحة والشرطة.
وقالت والدة الشهيد- خلال كلمة ألقتها خلال الندوة التثقيفية الـ25 للقوات المسلحة، اليوم الخميس، أن أولادها تركوا كلية الهندسة واتجهوا إلى الكليات الحربية وكلية الشرطة.
ووجهت حديثها لقتلة أبنها الشهيد، قائلة:” استكثرتم على أولادنا الحياة وقتلتوهم، ورغم ذلك وهبوكم الحياة، وهما سبب الأمن والأمان اللي أنتوا عايشين فيه”.
وتابعت والدة الشهيد موجهة حديثها للمصرين قائلة:” أوعوا تنسوا سنة 2011 و2012 لما كنا جايبين أبواب حديد علشان نأمن نفسنا، أنما دلوقتي الأطفال بتنزل والبنات بتنزل الفجر في أمن وأمان، أربطوا وأوعوا تلهيكم لقمة العيش، أحنا لو أتوفر لنا ملايين الدنيا وأشهى الطعام من غير الأمن مش هيبقى ليها طعم.. أوعوا الغلاء ينسيكم الأمن والأمان اللي أنتوا عايشين فيه.. مصر البلد الوحيدة اللي محدش بينام فيها من غير عشا.. أوعوا تضيعوا دم ولادنا أبوس أيديكم”.
ووجهت حديثها مرة أخرى للرئيس السيسي قائلة:” شرفت اليوم بمقابلتك يا فخامة الرئيس.. أنت نفس نورانية”.