تفاصيل نصب الطبيب الهندي على أسرة "إيمان المصرية"
كشفت شيماء سليم شقيقة “إيمان” أسمن امرأة في العالم، عن تفاصيل جديدة حول سفر شقيقتها للعلاج في الهند، موضحةً أنهم تعرضوا للنصب والاحتيال من قبل الطبيب الهندي الذي عرض المساعدة، ونقل شقيقتها من مصر لعلاجها من السمنة المفرطة، في الهند.
قالت “شيماء” خلال فيديو مصوّر نشرته على صفحتها الشخصية في موقع التواصل الاجتماعي “فيس بوك”، إن الطبيب الهندي المعالج لشقيقتها Muffazal Lakdawala، “ضحك علهيم”، مشيرةً إلى أن أول زيارة أجراها لإيمان كانت في 12/1/2017، ووعدهم أنه لن يترك أختها “غير وهي ماشية على رجليها، ودلوقتي بيقول إنها مستحيل تمشي على رجليها” على حد قولها.
أضافت أنه لم يمر على العلاج المكثف إلا 4 أيام، وهو ما يثير الشكوك في تصريحاته التي يجب ألا يطلقها قبل سنة من العلاج الطبيعي المكثف خاصة أنها تحرك أطرافها، لافتةً إلى أن إيمان لم تكن بحالة جيدة سوى 10 أيام فقط، وبعدها ظلت تدخل في غيبوبات متتالية مدة كل منها أسبوع، فضلا عن إصابتها بكهرباء في المخ بدون معرفة أسبابه لعدم وجود جهاز رنين مفتوح في “مومباي” بالهند.
أوضحت أنه بعد 5 أيام تقريبًا من وصولها إلى الهند قرر الطبيب إجراء جراحة لها بشكل عاجل بغرض التركيز الإعلامي عليها، نافيةً فقدان شقيقتها 262 كيلوجراما من وزنها في شهرين، قائلةً: “إيمان ماتوزنتش في الأول، ورقم 500 كيلوجرام كان تقرببي والطبيب لم يدقق فيه، وما أراه أنها لم تفقد سوى 60 أو 70 كيلوجرام من وزنها”.
تابعت: “لما اترجيته ماينزلش إيمان مصر دلوقتي لأن لسه حجمها كبير ولازم تفقد وزن كتير حقيقي مش كلام عشان لو حصلها حاجه بعد الرجوع أقدر أشيلها وألحقها أقسم بالله كنت بعيطله وكنت هبوس على ايده قالي إيمان مش حتخس أكتر من 50 او 60 كيلوجرام في سنة”.
في نفس السياق، لفتت إلى أن إيمان كان عرضها قبل السفر من الركبة للركبة 130 سم حاليا هي 112 سم، فكيف تكون فقدت نصف وزنها بهذا الشكل، “مضيفةً “وموضوع الكرسي اللي بتتحط عليه ده سرير بيتقفل كرسي عرضه 120 سم يعني مش كرسي طبيعي أقدر أتحرك بيه واعتقد في حالات في العالم مماثله لحالة إيمان بتقعد في المستشفى سنتين مش من أول شهر ونص يقولي خدى اختك وانزلي انت”.
أكدت “شيماء” أن الطبيب الهندي حصل على “الشو الإعلامي” والجوائز، ثم قرر التخلص منهم، رغم أنه من قام بالبحث عنهم في البداية وعرض تقديم المساعدة، لكنه الآن أصبح مشهورًا “بسبب إيمان وبسبب الضحك على الناس وعليا” على حد تعبيرها.
تابعت شقيقة إيمان تصريحاتها، قائلةً “في الفترة قبل السفر جالنا عرض تاني من مستشفى برجيل بأبوظبي وقالولي إحنا مؤسسة متكاملة وإيمان حتقعد مش أقل من سنة ونص تتعالج نفسي وطبيعي وكل حاجة ومش حنسيبها وفي يوم 2 إبريل دكتور شمشير صاحب هذه المستشفيات جه بنفسه لزياره إيمان وطبعا الدكتور الهندي قابلني قبل مايجولنا من وراهم عشان يقولى إنهم ناس مش كويسة وهمهم الإعلام والشو وحيرموا أختك بعد 3 شهور ومش حيكملوا للأسف أنا وأمي وثقنا فيه وصدقناه”.
واختتمت حديثها قائلة: “تواصلت مع دكتور مصري هنا في الهند مخ وأعصاب وطلبت منه ييجي يشوف إيمان وبالفعل جه وانتظر 3 ساعات لمحاولة إنه يدخل يشوفها جابولنا ورقة نمضي عليها إننا مانتكلمش مع إعلام أو صحافه ولو ده حصل حنرميلك اختك في الشارع اقسم بالله هذا حصل والدكتور المصري كلم دكتور المخ والأعصاب الهندى وقاله في الوقت ده إن إيمان حالتها اتدهورت والنشاط ده انتقل من النصف الشمال للنصف اليمين ووعيها بيقل.. مش عارفه بعد الكلام اللي قولته ده إيه اللي هيحصلنا بس ربنا معانا”.