أول تعليق من "مدام" حمدي الميرغني بعد عقد القران - E3lam.Com
نشرت الفنانة إسراء عبد الفتاح، صورةً من عقد قرانها على الفنان حمدي الميرغني، معلقة أنها تعتبر هذا اليوم هو أهم يوم في حياتها، وأضافت: “أهم ورقة مضيتها في حياتي، عمري ما حبيت غيرك أهم وأحلي وأغلي لقب في حياتي مدام حمدي الميرغني”.
“عبد الفتاح” ردت على بعض التعليقات التي انتشرت عبر مواقع التواصل الاجتماعي وتفيد بأنها كانت غير سعيدة في “كتب الكتاب”، قائلة: “لكل الناس اللي بتقول إني كنت متضايقة ومكنتش مبسوطة، أقسم بالله أنا عمري ماكنت مبسوطة ولا فرحانة ولا بضحك من قلبي غير في يوم كتب كتابي”.
أضافت: “لكل الناس اللي أنا مش فاهمة هما متضايقين ليه، ربنا يرزقكوا بحد يعملكوا أضعاف اللي اتعملي ويفرحكوا أضعاف فرحتي. والناس اللي بتقول إني كنت مجبرة علي الجواز، ده الراجل اللي اخترته بكامل إرادتي واللي قلبي وعيني مبيشوفوش حد غيره”.
وكان حمدي الميرغني قد احتفل الإثنين الماضي، بعقد قرانه على خطيبته الممثلة إسراء عبد الفتاح.
