أسماء يوسف عن "الفيشاوي" : انحطاط أخلاقي - E3lam.Com
انتقدت الإعلامية أسماء يوسف، حلقة برنامج “أنا وأنا”، المذاع على قناة ON E، التي حل خلالها الفنان أحمد الفيشاوي ضيفا على الإعلامية سمر يسري.
“أسماء” مقدمة برنامج “صباح أون” المذاع على قناة on live، لم تذكر اسم البرنامج أو القناة، لكنها هاجمت من خلال منشور على حسابها الشخصي بموقع التواصل الاجتماعي “فيسبوك”، استضافة الفيشاوي في هذه القناة، قائلة: “اتفرجت علي احدي القنوات الفضائية..برنامج يستضيف الفنانين.. الضيف…احمد الفيشاااااوي.. ايه هذا الكم من الانحطاط و الانفلات الاخلاقي دة… وازاي ممكن حلقة زي دي …تتعرض علي قناة فضااائية محترمة…. احنا عاوزين نرسخ لايه بالضبط؟”.
تابعت: “هو دة قدوة الشباب….اللي بينصح الشباب…لو حياخدوا مخدرات…يعملوا عليها search الاول!!!!!!….و يتباهي…و يتفاخر بانه شرب كل انواع المخدرات…!!!!!! ويتفاخر بانه كان في قناة فضائية محترمة…..ورفضوا انه يظهر بالحلق….فانه سمعهم ابشع الالفاظ و السب بالاب و بالام….هو اللي قال كدة علي فكرة بلسانة!!! انه سب الناس في القناة اللي باكد انها محترمه….لانها رفضت ظهوره بالحلق علي شاشتها”.
اختتمت حديثها قائلة: “انا فعلا حزيييينة علي مستوي الانحطاط اللي وصلنا له…..
حاجة تقرف.. ارحمونا.. يرحمكم الله”.
