تعليقًا على جملته الشهيرة.. باسم مرسي: بقيت بتابع خلاص

قال باسم مرسي مهاجم الزمالك، إن هدفه فى الفترة المقبلة حصد لقب دورى أبطال أفريقيا، بعد ضياع الدورى، معلقا على مواجهة أهلى طرابلس الليبي قائلا: “ليا مقولة دايما بقولها اللى عاوز يكسب البطولة يكسب كل الماتشات”.

وعلق “باسم” على سياسة التدوير التى يتبعها البرتغالى إيناسيو المدير الفنى للزمالك، قائلا: “أنا باحترمه على المستوى الشخصى وبيتكلم معايا إنه عاوزنى أجيب أهداف أكتر”، وعن الفرق الصعبة التى سيواجهها الزمالك والأهلي فى دورى أبطال أفريقيا قال لـ”اليوم السابع“: “مش هقول أنا مش متابع.. لكن أنا مبركزش.. وأقصد عشان ماحدش يحرف إنى مركز مع فريقى فقط”.

وعن جملته الشهيرة “مش متابع” قال باسم مرسي: “لا خلاص بقيت بتابع وعلى فكرة أنا مبتكلمش كتير، فى راجل مسئول هو اللى يحدد أنا أرجع المنتخب أو مرجعش”.

أضاف أن مصر لا تواجه أزمة مهاجمين، قائلا: “أتمنى أكون فى منتخب مصر، ده شرف لأى حد، وكوبر له كل احترامه.. وعمرى ما كان ليا خلاف معاه، وزمان دفنت والدى وروحت جبت جول، والناس اللى بتقول إنى مش وطنى معندهمش فكرة عن البطيخ، وأنا تحت أمر المنتخب فى وقت”.

واختتم مهاجم الزمالك تصريحاته موضحًا أن مشاركته فى النادى الاجتماعى “سبورتنج كاسل” بمدينة طنطا لتنمية المواهب، والذى يتضمن أكاديميات رياضية تحمل اسمه، إلا أنه شدد أن كل تركيزه ينصب مع الزمالك.