تهديد قوي من السيسي لمغتصبي الأراضي - E3lam.Com
أكد الرئيس عبد الفتاح السيسي أنه سيتم عقد اجتماع نهاية الشهر الجاري للوقوف على نتائج إزالة التعديات على أراضي الدولة، وأضاف خلال افتتاحه عددًا من المشروعات القومية بمحافظة دمياط، صباح اليوم، الثلاثاء: “ما نبقاش رجالة وعندنا مروءة لو سمحنا لأي حد يمد إيده على أرض بلده ونسيبها له”.
تابع: “أي حد يعمل كده هو مغتصب وحرامي.. يأخد أموال الغلابة، وطول مانا عايش والله ما هسيب حد ياخد حقي، وأنا بسمّع الناس كلها واللي عايز يتحداني كأنه بيتحدى حق من حقوق ربنا في الأرض”.
وفي نفس السياق طلب الرئيس من المواطنين بالصبر على ما تمر به البلاد حاليًا من أجل تحسين مستوى المعيشة فيما بعد وتطوير العشوائيات، مُضيفًا: “يا ترى بلدنا متستحقش إننا نستحمل شوية عشان نشيل ده من حياتنا؟.. الدنيا صحيح غالية واحنا بنغير لأجل خاطر ناس ظروفها مش هتقدر.. الأمور مش بالبساطة اللي انتوا فاكرينها، في معاناة لازم ندفعها”.
استطرد: “لا يمكن طول مانا موجود في مكاني أسيب الناس كدة أبدا، وأنا عارف ان المصريين بيعانوا”.