عبد الله غلوش يكتب: غلوشيات رمضانية (4)
– لأعلي سعر .. حتي الان مش فاهم نبيل الحلفاوي منبهر بصوت راندا حافظ كده ازاي بصراحة ، هو مسمعش عن ساندي ولا ايه؟
– من المؤكد ان الأستاذ احمد موسي مش متابع في رمضان غير مسلسل “كلابش”.
– ده معفن وملزق ومدلدق علي النسوان ، ده لو شاف كلبه في الشارع هايجري وراها .. غادة عبدالرازق تصف محمد كريم في حلقة اليوم من “أرض جو”.
– زينه طالبه الخلع .. سارة سلامة طالبه الطلاق “لاعلي سعر” ، واروي جوده طالبه تاخد بريك من اياد نصار “هذا المساء”.
– الخريطة الرمضانية لقناة ماسبيرو زمان ، اكبر اهانه لقنوات ماسبيرو الان.
– ريح المدام .. في صعود مستمر.
– ايه قيمة + ١٢ و ١٥ و ١٩ اللي بتكتبها cbc علي مسلسلاتها طالما بتحذف جمل ومشاهد كامله منها؟
– الحساب يجمع .. ٣ يا بنت الكلب .. ٤ يا روح امك .. 10 يا بذرة نجسة .. ١ اتفو عليك ، في حلقة واحدة.
– الحصان الاسود .. اول مره احس ان شيري عادل كبرت.
– للسنه التالته علي التوالي ، عادل امام يبدأ من الحلقه الرابعه.
– عفاريت عدلي علام .. تختلف مع رامي امام زي ما انت عايز ، بس متنكرش انه عمل مشهد ظهور العفريته شيك وحلو.
– الظهور الأول لـ منه شلبي “واحة الغروب” و غادة عادل “عفاريت عدلي علام”.
– احمد فهمي خد الدكتوراه في ” لأعلي سعر” ، وريهام عبدالغفور خدت الماجستير في “لا تطفئ الشمس”.
– هذا المساء .. جوز ام عبير كان بيتفرج علي ماتش للاهلي والاتحاد والتعليق كان علي ماتش للاهلي والزمالك بتاع واحد وسط تلاته ويا مالك القلبي.
– ده فوفه ابن توحه.
– هذا المساء .. مسافة ما ام عبير فتحت باب الشقه وخرجت وقامت داخله البيت تاني ، الماتش بقى لسموحه والمقاصة والتعليق فضل زي ما هو لمدحت شلبي علي ماتش للاهلي والزمالك.
– عن جدارة ” وضع أمني” .. المسلسل الأبطئ في رمضان.
– في نفس اليوم اللي محمود الهباش مستشار الرئيس الفلسطيني للشئون الدينية أصدر قرار بمنع وحظر الطلاق في رمضان ، عادل إمام طلق هالة صدقي في عفاريت عدلي علام.
– لأعلي سعر .. نيللي كريم كانت حامل امبارح ، النهارده خلفت وبنتها بقي عندها 6 سنين ولبست النقاب كمان.
– لا .. ده كيمو أخو شيماء.
– بدرية طلبه تنضم لقائمة مضيفات رمضان “ريح المدام” ، ومصطفي أبوسريع يلتحق بركب عفاريت الشهر الفضيل “هربانه منها”.
– ريم مصطفى أكتشفت ان عمرو يوسف متجوز عليها ممثلة “عشم أبليس” و إنجي المقدم أكتشفت أن آسر ياسين متجوز عليها ممثلة برضه “30 يوم”.
– لا تطفئ الشمس .. تقريبا دي أول واخر مرة في حياتك ممكن تشوف فيها أمينة خليل راكبه ميكروباص.
– لا تطفئ الشمس .. لحد امتي محمد ممدوح هايفضل يعرق وادرينالينه يبهدله كده ، اول ما يكلم اي بنت؟
– السقا عنده هلاوس ، عمرو يوسف يعاني من الوسواس القهري .. وهاني سلامة مصاب بالصرع.
– اللي يعرف مكتب التشغيل اللي متعاقده معاه هيفاء وهبي ، ياريت يقولي بعد إذنكم.
– الأفضل من محمد فراج “هذا المساء” ، محمد فراج “الحصان الأسود”.
– والله ما كيمو .. ده ابن طنط توته.
– اذكر اسم مسلسل واحد في الراديو سمعته يومين ورا بعض؟
– الأصعب من الصيام في الجو ده ، هو انك تتابع حلقة كاملة من مسلسل قصر العشاق.
– رمضان كريم .. مشهد الطفل المسيحي وديع وهو بيلعب مع صاحبه المسلم بالفانوس في الجامع .. من اجمل مشاهد الدراما هذا العام.
– رمضان كريم .. شيرين الطحان مش لايقه في دور المعلمه.
– ناصر البرنس ممكن تروح تاكل عنده ، لكن صعب تتفرج له علي برنامج.
– ده ساسو اللي في التامن.
– اللهم اني صايم .. فرحان بعودة مي نور الشريف وزعلان انها رجعت تتخن تاني.
– في الـ لالا لاند .. دلال عبدالعزيز ضيفة شرف حلقة اليوم .. ربنا ما يقطع لك عاده.
– في الـ لالا لاند .. اتحداك لو ابتسمت مرة واحدة في حلقة النهارده.
– مزيكا المهرجانات مش بتحرك المشاعر فعلا بس بتحرك جثث وبترقصهم .. أحمد مالك “لا تطفئ الشمس”.
– البنات كلها كده .. بيتشقلبوا عشان تيجوزوا .. هما ياخدوا بيت وامان واحنا ناخد عيال ومسئوليات.. أحمد العوضي “الحصان الاسود”.
– يمكن النهارده خسرنا فانوس واكصدام ، بس كسبنا حاجات كتيرة اوي .. شيكو ” خلصانة بشياكة”.
– الستات كلهم بيبقوا عارفين اننا بنخونهم وبيمشوا حالهم .. هاني عادل “هذا المساء”.
– مش خايفه من الموت بس مش عامله حسابي عليه .. هند صبري ” حلاوة الدنيا”.
– لا زم الناس تعجز ، عشان ناس تانية تيجي تاخد مكانها.. عادل امام “عفاريت عدلي علام”
– ربنا يرحمك يا أمي ويرحم أمهاتنا جميعًا ويخلي أمهاتكم يارب.