عبد الله غلوش يكتب: غلوشيات رمضانية (10)
– اعلان 500 500 .. هي دي الاعلانات.
– اعلان 500 500 .. أول اعلان لكندة علوش بدون عمرو يوسف.
– اعلان 500 500 .. محمد رمضان الوحيد اللي ظهر في اعلان لـ ٥٠٠٥٠٠ و ٥٧٣٥٧ في فقرة اعلانية واحدة.
– اعلان 500 500 .. عمرو مصطفى يضرب من جديد.
– اعلان 500 500 .. صوت أصالة بدون حماقي أجمل.
– اعلان 500 500 .. سبحان الله كاريزما آسر ياسين في الاعلانات أحسن من المسلسلات بكتير.
– اعلان 500 500 .. لميس الحديدي تحسها ظهرت في الاعلان بالغلط.
– اعلان 500 500 .. فرق كبير بين اعلان يديك طاقة ايجابية ، واعلان رسالته الوحيدة كلمة معلش.
– حال المصريين اللي عايشين في قطر ، لخصها باسل خياط في حلقة امبارح من “30 يوم” لما قال : أسوأ أنواع الحروب اللي مابتشاركش فيها لكن بتدفع تمنها.
– عدد المكالمات اللي عملها نجيب ساويرس في قنوات الأخبار النهاردة أكتر من عدد سكان قطر.
– الشماته في الموت، متفرقش كتير عن الشماته في قطع الرزق.
– اسوأ ما في مقاطعة قطر .. عودة أحمد موسى للشاشة مرة أخري.
– بلدي اللي محدش جه عليها في أي يوم إلا وخسر .. أغنية أنغام اللي بترن في وداني طول اليوم النهاردة.
– في الـ لا لا لاند .. نفسي ابتسم مش اضحك ومش قادر.
شاهد الحلقة العاشرة من المسلسل الرومانسي الكوميدي (الحب الحب)
– لأعلي سعر .. لو في نجوم لرمضان السنة دي ، بالتأكيد زينة هاتكون أولهم.
– لمعي القط .. محمد أنور ومصطفي أبو سريع .. أحمد شوبير وأحمد الطيب نسخة 2017.
– رجاء الجداوي اتجوزت أكرم حسني في “ريح المدام” وبتلاغي عم نعيم في “حلاوة الدنيا”.
– زهقت من كمية الأحداث والمشاهد اللي في الدراما السنة دي وبنكتشف بعد كده انها حلم ومش حقيقة.
– أسماء أبو اليزيد “هذا المساء” .. واحدة من أفضل الوجوه الجديدة في دراما هذا العام.
– إيمان العاصي استقالت من الشركة اللي بتشتغل فيها “الحساب يجمع” ومحمد فراج استقال من وزارة الداخلية في “الحصان الأسود”.
– الساعة 7 محمد ثروت ضرب جاره علي قفاه في cbc ، وغادة عادل ضربته علي قفاه الساعة 8 علي قناة mbc مصر.
– الحصان الأسود .. الظهور الأول لعمر السعيد.
– أرض جو .. اللهم ارزقنا نصف ثقة محمد كريم في تقل دمه.
– أرض جو .. هيثم شاكر بيلاعب نادية خيري بلاي استيشن ، الجوي استيك بتاعه كان مفتوح وبتاعها كان مقفول.
– في نفس اليوم ، أم أروي جودة اتخطبت في ” هذا المساء ” ، وأم أمينة خليل اتخطبت في “لا تطفئ الشمس”.
– كفر دلهاب .. كل اللي متخيل ان يوسف الشريف مات في حلقة النهاردة .. معندناش مسلسلات البطل بيموت فيه في الحلقة العاشرة للاسف.
– بعد 48 ساعة من جوازة ، أحمد مجدي مات من شوية في “واحة الغروب”.
– العبد مبقاش يعمل شكلمة حلوة زي زمان .. ملخص حلقة اليوم من “حلاوة الدنيا”.
– الحساب يجمع .. سؤال كل سنة ، هو تامر حبيب بيمثل ليه؟
– الأصعب من لون شعر منة شلبي في واحة غروب ، لون شعر ريم مصطفي في كلابش.
– حسام الحسيني “رمضان كريم” من مفاجأت رمضان السنة دي.
– في نفس السنة اللي السقا عمل فيها الحصان الأسود ، القنوات الخليجية بتعرض مسلسلات اليوم الأسود ، غرابيب سود والكحل الأسود.
– دي ناس بتوع ربنا وملهمش في السياسه جمال عبدالناصر متحدثا عن الاخوان “الجماعة٢”.
– أوجاع الماضي بتكون سبب آلام الحاضر والمستقبل .. خالد النبوى “واحة الغروب”.
– المقطم بقى مهروس اوي .. فيه دلوقتي ورا الجامعة الامريكية أو ورا سور للرحاب.. شيكو “خلصانة بشياكة”.
– عشان تنجح و توصل ، لازم تنسى ان في حاجه اسمها صح أو غلط .. مراد مكرم “الحساب يجمع”.
– الصراحة اللي توجع احسن من الكذب اللي يريح .. “الحصان الأسود”.
– ربنا يرحمك يا أمي ويرحم أمهاتنا جميعًا ويخلي أمهاتكم يارب.
نرشح لك : عبد الله غلوش يكتب: غلوشيات رمضانية (9)