السيسي: إجراءات إزالة التعديات شهدت بعض التجاوزات - E3lam.Com

طالب الرئيس عبدالفتاح السيسى، محافظ البحر الأحمر، بضرورة الأخذ فى الاعتبار، ظروف المواطنين الذين يعملون فى مناجم الذهب، والتى استولى أصحابها على أراضى الدولة، قائلا:”الناس الموجودة هناك دى بتاكل عيش عاوزين نشوفلهم حل، الناس دى ليها بيوت مفتوحة تاكل منين؟، لا نريد استنزاف موارد الدولة، يبقى انت لا اديتنى فرصة علشان اشتغل، ولا أنت عاوز تاخود حقك، وعلشان خاطر الناس اللى بتاكل عيش دى تستمر، والناس دى عملت منظومة مش عارفين نعملها، أنا عايزهم يشتغلوا وعاوز البلد تاخد حقها”.

وأضاف الرئيس السيسى خلال كلمته فى مؤتمر استعادة أراضى الدولة، بمسرح الجلاء، أن المحافظ رئيس فى محافظته وله كل الصلاحيات، معلقا: “كنت دايما أقول لكم لو فيه حاجة حد يكلمنى فى التليفون وعمرى ما حد كلمنى مش عارف ليه؟، حد يقول لى حاجة، مافيش غير واحد ولا اثنين بس”.

في السياق ذاته أكد الرئيس، أن الإجراءات الخاصة بحملة إزالة التعديات على أراضى الدولة شهدت بعض التجاوزات، قائلا: “بعترف إننا وإحنا بنعمل الإجراءات حصل بعض التجاوزات فى الموضوع يمكن بسبب الحماس والتضارب او التداخل فى الصلاحيات”.