شاب لمحافظ القليوبية: هنكون مكانك بعد عمر طويل.. والسيسي يرد - E3lam.Com
داعب شاب يدعى محمد السيد، أحد شباب محافظة القليوبية، اللواء محمود عشماوى، محافظة القليوبية، فى حضور الرئيس السيسي خلال كلمة بمؤتمر استعراض الموقف بشأن إزالة التعديات على أراضى الدولة، قائلا: “بدأت أحس فى عهد الرئيس السيسى بالثقة فى نفسنا ولم نشعر بها إلا فى عهده، والدليل إننا واقفين بجانب سيادة المحافظ وواثق بعد عمر طويل هنبقى مكان سيادته”.
ورد الرئيس السيسي على كلمته الشاب محمد السيد، خلال مؤتمر استعادة أراضى الدولة المقام حاليًا بمسرح الجلاء، ضاحكا: “عمر طويل ليه ده قريب جدا.. ولو بتتبعوا كلامى بحلف وأقول والله أتمنى تكونوا موجودين مكانى أنا، بس اللى يجى يخدها ويطلع بيها إلى الأمام ويحافظ عليها”.
في سياق آخر، طالب الرئيس السيسى، محافظ البحر الأحمر، بضرورة الأخذ فى الاعتبار، ظروف المواطنين الذين يعملون فى مناجم الذهب، والتى استولى أصحابها على أراضى الدولة، قائلا:”الناس الموجودة هناك دى بتاكل عيش عاوزين نشوفلهم حل، الناس دى ليها بيوت مفتوحة تاكل منين؟، لا نريد استنزاف موارد الدولة، يبقى انت لا اديتنى فرصة علشان اشتغل، ولا أنت عاوز تاخود حقك، وعلشان خاطر الناس اللى بتاكل عيش دى تستمر، والناس دى عملت منظومة مش عارفين نعملها، أنا عايزهم يشتغلوا وعاوز البلد تاخد حقها”.
وأضاف الرئيس أن المحافظ رئيس فى محافظته وله كل الصلاحيات، معلقا: “كنت دايما أقول لكم لو فيه حاجة حد يكلمنى فى التليفون وعمرى ما حد كلمنى مش عارف ليه؟، حد يقول لى حاجة، مافيش غير واحد ولا اثنين بس”.