السيسي: من حق أي حد يفكر زي ما هو عايز - E3lam.Com
قال الرئيس عبد الفتاح السيسى، إن كل المواطنين لديهم الحرية الكاملة فى توجههم السياسى، دون الحجر على فكر أى شخص، متابعا: “من حق أى واحد يفكر زى ما هو عاوز، بس مش من حقه إنه يموتنا، ما أقدرش أحجر على فكرك، بس خلى فكرك ما يهدناش، مش بقول لك غيّر فكرك، ولو شايف إنه صح خليه معاك”.
وأضاف الرئيس السيسى، فى كلمته خلال مؤتمر استرداد أراضى الدولة، المنعقد بمسرح الجلاء اليوم الأربعاء، قائلا: “اللى هيعيش معانا كده ليه مكان، واللى غير كده هنواجهه، مش هخلّيه يضيّع 93 مليون، ما حدش هيضيّع 93 مليون ونسمح له بالحكاية دى، لأ مش هيحصل”.
يُذكر أن السيسي رد على حديث أحد الشباب الذي يُدعى محمد هندي، والذي انتقد تصدير وسائل الإعلام المصرية للنماذج السلبية مثل “عبده موتة”، في الأفلام والمسلسلات والبرامج التي تُعرض حاليًا، وتساهم في تشكيل وعي الشباب بشكل سيء.
وقال السيسي، موجهًا حديثه للشاب: “مفيش حد هيختلف معاك، لكن الإعلام صناعة، والدولة زمان هي اللي كانت بتعمل الصناعة دي وحاطة جواها عناصر بناء إيجابي، ولم تكن تهدف إلى المكسب المادي.
أضاف: “أما الآن التلفزيون المصري أعبائه باتت ضخمة جدا، كما أن الذوق العام من الممكن أن يتغير، والكلام ده ممكن يكون له تأثير ضار على المجتمع لكننا نحاول وجود حل لهذا”.
وتمنى الرئيس السيسي أن تصل الرسالة التي وجهها الشاب، إلى الإعلاميين وأهل الفن، مُتابعًا: “أنا مقولتهاش عشان محدش يزعل مني.. دة طلب الشباب”.