عبد الله غلوش يكتب: غلوشيات رمضانية (12)
– خمن .. كام رئيس تحرير في مصر بيجيبوا واحد زي عدلي علام يكتب لهم مقالاتهم؟
– طاقة القدر .. والله كل اللي يعرف حمادة هلال يعرف انه شهم وجدع، الموضوع مكنش محتاج يتوثق في مسلسل.
– لأعلى سعر .. نيللي كريم رمت الدبلة في النيل، وبعدها بمشهدين ظهرت في مشهد لبساها وهي بتكلم المُحضر اللي بلغها بقضية الحضانة.
– لأعلي سعر .. تقريبا نبيل الحلفاوي الراجل الوحيد اللي سارة سلامة مانمتش معاه في المسلسل.
– اين اختفت اعلانات جهينة وعبور لاند؟
– بيومي فؤاد اتجوز سمية الخشاب “الحلال” ، وهشام ماجد اتجوز ملك قورة “خلصانة بشياكة”.
– هربانة منها .. مصطفي خاطر بدون عم شكشك .. ممثل عادي جدًا.
– كفر دلهاب .. مط وتطويل كتير الفترة الجاية.
شاهد الحلقة الثانية عشر من المسلسل الرومانسي الكوميدي (الحب الحب)
– اليوم الأسود .. تقريبا منال سلامة المصرية الوحيدة اللي مش طالعة في دور خدامة في الدراما الخليجية السنة دي.
– حلاوة الدنيا .. مشهد ظافر وهو بيجيب العيش من الفرن واحد من أجمل وأصعب المشاهد اخراجيا في دراما هذا العام.
– حلاوة الدنيا .. أول مرة أعرف ان دهشور فيها فنادق حلوة كده.
– حلاوة الدنيا .. دي حتى البنت الصغيرة بنت أحمد حاتم بتمثل حلو.
– خلصانة بشياكة .. ادي جامد عشان جامد لسه مخدش .. اخر افيه كنت اتوقع اسمعه من أحمد مكي.
– 30 يوم .. شفايف نجلاء بدر بتكبر كل حلقة عن اللي قبلها.
– لا تطفئ الشمس .. الظهور الأول للبناني باسم مغنيه.
– لا تطفئ الشمس .. عارفة عبدالرسول الوحيدة اللي مطلعش عندها كراش في المسلسل.
– الحصان الأسود .. أجمل ما في المسلسل ان السقا لغى فكرة ان البطل لازم يظهر من الجلدة للجلدة.
– الحساب يجمع .. في مشهد واحد، (3 تصدقي انتي بت وسخه، و2 انتي بنت كلب بصحيح) .. ياللا مليون جنية أهم حلال على مجلس الاستاذ مكرم محمد أحمد.
– مصطفي درويش عمل دور محامي غادة عبد الرازق في “أرض جو” ، و دور محامي أحمد فهمي في “لأعلى سعر”.. جاب لغادة 3 سنين سجن وخسر فهمي قضية خلعه من نيللي كريم.
– ساعات كتير الدنيا بتقسى علينا وبنكون مش قادرين نكمل وبنشوف الموت هو اكتر راحة بالنسبة لنا .. ياسر جلال “ظل الرئيس”.
– النصب ياما عمل بني ادمين وركبهم عربيات مرسيدس .. مي كساب “لأعلى سعر”.
– الحب الصادق اللي بجد يستاهل نستنى عشانه العمر كله .. عمرو سعد “وضع أمني”.
– من غير الحب جايز تعرف تعيش.. من غير فلوس مستحيل تعرف تعيش .. روبي “رمضان كريم”.
– حتي النداله ليها حدود .. فيدرا “لأعلى سعر”.
– ربنا يرحمك يا أمي ويرحم أمهاتنا جميعًا ويخلي أمهاتكم يارب.
نرشح بك : عبد الله غلوش يكتب: غلوشيات رمضانية (11)