عبد الله غلوش يكتب: غلوشيات رمضانية عن "لا تطفئ الشمس"

– لا تطفئ الشمس.. باستثناء محمد ممدوح وريهام عبدالغفور، ريأكشانات باقي الأسرة على عودة أحمد مالك fake ومصطنعة وتحديدا ميرفت أمين.

– لا تطفئ الشمس.. أمينة خليل تعرف إن أخوها لسه عايش، تقوم حاضنة باسم مغنية، يقوم جوزها شايفها وهي بتحضنه فيشُك فيهم.. فيلم هندي.

– لا تطفئ الشمس.. عمرو صالح أحدث شاذ في الدراما المصرية.

– لا تطفئ الشمس.. نفسي محمد ممدوح يظهر في مشهد واحد وما يكونش عرقان.

– أمينة خليل عملت اختبار حمل “لا تطفئ الشمس”، وسارة سلامة عملت اختبار حمل “لأعلي سعر”، والاتنين طلعوا حامل بس واحدة من جوزها وواحدة من واحد تاني.

– لا تطفئ الشمس.. عارفة عبدالرسول الوحيدة اللي مطلعش عندها كراش في المسلسل.

– محمود الليثي “خطيب ريهام عبد الغفور لا تطفئ الشمس”.. أفضل نجوم برنامج (snl بالعربي) في دراما هذا العام.. تامر فرج “زوج أخت إياد نصار هذا المساء” أبرز نجوم برنامج (أسعد الله مساءكم) في رمضان السنة دي.

– لا تطفئ الشمس.. محمد ممدوح بدأ يمثل فعليا من حلقة النهاردة. (الحلقة 11)

– لا تطفئ الشمس.. هو المسلسل في كام أمينة خليل عشان مايتعملهاش فرح وتتجوز بالشكل ده؟.

– لا تطفئ الشمس.. اللي يشوف أداء ريهام عبد الغفور في المسلسل، مايتوقعش أبدا إنها توافق على دور فلات زي اللي بتعمله في “الزيبق”.

– لا تطفئ الشمس.. فتحي عبدالوهاب مفهوم جديد للمراهقة المتأخرة.

– لا تطفئ الشمس.. ميرفت أمين جوزت بناتها التلاته في حلقة واحدة. (الحلقة 8)

– هي أمينة خليل كده لازم تقع واقفه كل سنة.. تعليق فتيات تويتر على جوازها من أحمد مجدي “لا تطفئ الشمس”.

– لا تطفئ الشمس.. ميرفت أمين أضعف ما في المسلسل.

– لا تطفئ الشمس.. محمد ممدوح عامل دور فؤاد المهندس في عائلة زيزي.

– لا تطفئ الشمس .. عارفة عبد الرسول أفضل كوميديانة في شهر رمضان الحالي.

– لا تطفئ الشمس.. فتحي عبدالوهاب أحسن واحد بيمثل بعينه في مصر.

– لا تطفئ الشمس.. تخيل ميرفت أمين مخلفة 5 عيال، وتقولك أنا محستش إن أنا عايشة غير لما جوزي مات.. أومال لو بتحبه كانت خلفت كام؟

– لا تطفئ الشمس.. تقريبا دي أول وآخر مرة في حياتك ممكن تشوف فيها أمينة خليل راكبه ميكروباص.

– لا تطفئ الشمس.. لحد امتي محمد ممدوح هيفضل أدرينالينه مبهدله كده، أول ما يكلم أي بنت؟

– لا تطفئ الشمس.. أحمد مالك أول سائق أوبر في الدراما المصرية.

– بعد أحمد مالك “لا تطفئ الشمس”، مؤمن نور “عدلي علام” تاني سائق أوبر في دراما رمضان، مش عارف كريم ناوية تتحرك إمتى الحقيقة.

– أمينه خليل اكتشفت إن حبيبها خاطب واحدة تانية ”لا تطفئ الشمس” وإنجي المقدم اكتشفت إن جوزها متجوز عليها “30يوم”.

– لا تطفئ الشمس.. حتى الآن، مش لاقي تفسير منطقي لاعتماد محمد شاكر خضير على السوري جهاد سعد بلهجته المصرية المتواضعه غير إن فاروق الفيشاوي كان مشغول بتصوير “قصر العشاق”.

– لا تطفئ الشمس.. محمد ممدوح قفش أخته مع صاحبها. (الحلقة 2)

– لا تطفئ الشمس.. محمد ممدوح قفش أمه مع صاحبها. (الحلقة 2)

– لا تطفئ الشمس.. ريهام عبدالغفور قفشت خالها مع صاحبته.

– لا تطفئ الشمس.. أمينه خليل قفشت أمها مع صاحبها.

– لا تطفئ الشمس.. ريهام عبدالغفور قفشت جميلة عوض مع صاحبها.

– لا تطفئ الشمس.. أمينه خليل قفشت جميلة عوض مع صاحبها.

– لا تطفئ الشمس.. أحمد مجدي قفش مراته مع صاحبها.

– “أنا أنضف واحد فيكم، عشان أنا مش بكدب”.. أحمد مالك “لا تطفئ الشمس”.

– تاخدي درينك يا بيلا؟.. لا يا حبيبي أصل أنا لسه ما صلتش العشا.. زكي فطين عبدالوهاب ومها أبوعوف “لا تطفئ الشمس”.

– مبكرهش في حياتي قد الولولة.. شيرين رضا “لا تطفئ الشمس”.

– ربنا يرحمك يا أمي ويرحم أمهاتنا جميعًا ويخلي أمهاتكم يارب.

نرشح لك : عبد الله غلوش يكتب: غلوشيات رمضانية (18)