عبد الله غلوش يكتب: غلوشيات رمضانية عن “لأعلي سعر”
– لأعلي سعر .. زينة جابت داده وطباخ وسواق جداد ، ومي كساب عايزه تعمل عملية شفط .. ملخص الحلقة 19.
– لأعلي سعر .. البنت عندها ربو ونازله الكباريه عشان اكل عيشها .. جملة مدحت العدل اوي.
– لأعلي سعر .. هروب سالي حماد من ورا زينة بالطريقة الكوميدية دي .. مشهد مدحت العدل اوي.
– لأعلي سعر .. مهما شارك في افلام ومسلسلات، لغاية النهاردة لسه نبيل الحلفاوي مرتبط عند جيل كامل من الشباب بصباع العسلية بتاع ” الطريق إلي إيلات”.
– أمينة خليل عملت اختبار حمل “لا تطفئ الشمس” وسارة سلامة عملت اختبار حمل “لأعلي سعر” والاتنين طلعوا حامل بس واحدة من جوزها وواحدة من واحد تاني.
– من الظلم ان تطلق علي “لأعلي سعر” لقب مسلسل نيللي كريم.
– لأعلي سعر .. بعد رمضان، اي واحدة مخنوقة من جوزها مش هتلاقي احسن من مي كساب عشان تخلعها منه.
– لأعلي سعر .. انا زينة لو مقولتش “انت عارف انك اغلى حاجة في حياتي ولا لأ؟” 6 مرات كل حلقة اتحرق.
– لأعلى سعر .. نيللي كريم رمت الدبلة في النيل، وبعدها بمشهدين ظهرت في مشهد لبساها وهي بتكلم المُحضر اللي بلغها بقضية الحضانة. (الحلقة 12)
– لأعلي سعر .. تقريبا نبيل الحلفاوي الراجل الوحيد اللي سارة سلامة مانمتش معاه في المسلسل.
– لأعلي سعر .. عدد الأصوات الوحشة اللي اكتشفها نبيل الحلفاوي في المسلسل ، أكتر من عدد المطربات اللي حلمي بكر اكتشفهم واتجوزهم طول حياته.
– لأعلي سعر .. لو في نجوم لرمضان السنة دي ، بالتأكيد زينة هاتكون أولهم.
– في نفس الشهر اللي أحمد عز عمل فيه فورمة الساحل ، زينة عملت دور عمرها في “لأعلي سعر”.
– لأعلى سعر .. كل راجل يخاف على واتس ابه من النهارده.
– لأعلى سعر .. كنت متوقع نبيل الحلفاوي يعطي قيمة واضافة للمسلسل أكتر من كده.
– لأعلى سعر .. تقريبا هاني رمزي “غبي منه فيه” الراجل الوحيد اللي مخذلش نيللي كريم من ساعة ما بدأت تمثل.
– كلنا بنبقى اشرار لما بنكون عايزين مصلحتنا .. رحمة حسن “لأعلى سعر”.
– مش العيون بس اللي بتبكي الإيدين والرجلين والقلب كمان .. وقلبك كل ما يبكي بيتطهر ويبقى أقوي .. نبيل الحلفاوي “لأعلى سعر”.
– النصب ياما عمل بني ادمين وركبهم عربيات مرسيدس .. مي كساب “لأعلى سعر”.
– حتي النداله ليها حدود .. فيدرا “لأعلى سعر”.
– ومين النهاردة بيخاف على سمعته، كل ما سمعتك تبقى زفت أكثر، كل ماتبقى نجم ومشهور ..محمد حاتم “لأعلى سعر”.
– الراجل اللي مراته تطلب منه الطلاق أكتر من مرة وميطلقهاش ، يبقي عايزها تخونه .. سلوى محمد علي “لأعلي سعر”.
– ربنا يرحمك يا أمي ويرحم امهاتنا جميعًا ويخلي امهاتكم يارب.
نرشح لك :عبد الله غلوش يكتب: غلوشيات رمضانية عن “لا تطفئ الشمس”
عبد الله غلوش يكتب: غلوشيات رمضانية (20)