عبد الله غلوش يكتب: غلوشيات رمضانية عن “الحصان الأسود”
– الحصان الأسود .. اسم على مسمى.
– الحصان الأسود .. محمد سليمان عبد المالك من المؤلفين القليلين اللي السيناريو مهربش منهم لغاية النهاردة.
– الحصان الأسود .. الممثلين كلهم متهمين بالقتل، والممثلين كلهم بيدوروا على دليل براءتهم.
– الحصان الأسود .. أفضل حلقة تعملها ياسمين صبري من يوم ما بدأت تمثل. (الحلقة 22)
– الحصان الأسود .. عودة الـ PUZZEL من جديد. (الحلقة 22)
– الحصان الأسود .. مشهد شيري عادل مع والدتها في دار المسنين ، واحد من اجمل المشاهد في المسلسلات اليوم.(الحلقة 19)
– الفرق بين ياسمين صبري “الحصان الأسود” وياسمين صبري “الأسطورة” وياسمين صبري “طريقي” .. اسم الشخصيات فقط.
– من النهارده تقدر تتفرج علي الحصان الأسود ، زي أي مسلسل عادي بدون تركيز وبأعصاب هادية. (الحلقة 17)
– سواء في “الحصان الأسود” أو “هذا المساء” .. محمد فراج بتاع زمان رجع تاني.
– الحصان الاسود .. أول مسلسل puzzle في تاريخ الدراما المصرية.
– الحصان الأسود .. أجمل ما في المسلسل ان السقا لغى فكرة ان البطل لازم يظهر من الجلدة للجلدة.
– الحصان الأسود .. أفضل أدوار بيومي فؤاد السنة دي.
– الحصان الأسود .. الظهور الأول لعمر السعيد. (الحلقة 10)
– في نفس السنة اللي السقا عمل فيها الحصان الأسود ، القنوات الخليجية بتعرض مسلسلات اليوم الأسود ، غرابيب سود والكحل الأسود.
– الصراحة اللي توجع احسن من الكذب اللي يريح .. “الحصان الأسود”.
– أوعي حد يحس انك ضعيف ، لو اللي حواليك حسوا انك ضعيف هياكلوك .. أحمد السقا “الحصان الأسود”.
– كمية الفرو اللي لبسته ياسمين صبري في “الحصان الأسود” ، أكتر من البطاطين اللي وزعها عمرو أديب في حملة “مصر الدفيانه”.
– الحصان الأسود .. لو فاتك منه مشهد واحد ، صعب تفهم اللي يحصل فيه بعد كده.
– صبري فواز ” الحصان الأسود” أفضل من صبري فواز “رمضان كريم”.
– الحصان الاسود .. اول مره احس ان شيري عادل كبرت.
– الأفضل من محمد فراج “هذا المساء” ، محمد فراج “الحصان الأسود”.
– هو البني ادم كده ، طول ما الحاجه بعيد عنه بتبقي بتلمع في عينيه ، وأول ما تبقي في إيده خلاص .. أحمد السقا “الحصان الأسود”.
– الوقت اللى هتقارن فيه بين كرامتك وحبك .. هو الوقت اللى لازم تنهي فيه العلاقة فورا “الحصان الأسود”.
– البنات كلها كده .. بيتشقلبوا عشان تيجوزوا .. هما ياخدوا بيت وامان واحنا ناخد عيال ومسئوليات.. أحمد العوضي “الحصان الاسود”.
– الحصان الاسود .. واضح ان ياسمين صبري حبت فكرة أنها تتجوز واحد غير البطل وتفضل تتهزأ منه طول المسلسل.
– قلب الأخت زي قلب الأم، مابيكدبش .. هبة عبد الغني “الحصان الأسود”.
– ربنا يرحمك يا أمي ويرحم امهاتنا جميعًا ويخلي امهاتكم يارب.
نرشح لك : عبد الله غلوش يكتب: غلوشيات رمضانية عن “لأعلي سعر”