بعد نجاحه في رمضان.. محمد فراج يشكر هؤلاء - E3lam.Com
وجه الفنان محمد فراج شكرا إلى العديد من الأشخاص، وذلك عقب انتهاء شهر رمضان المبارك، حيث شارك خلاله “فراج” بالعديد من الأدوار الدرامية، حيث شارك في مسلسلات “هذا المساء”، و”الحصان الأسود”، وفي أدوار صغيرة كضيف شرف في “الجماعة2″، و”30 يوم”.
وجه فراج الشكر عبر منشور له بموقع التواصل الاجتماعي “فسبوك”، إلى الله بعد أن وفقهه هذا العام في الأعمال التي شارك فيها، ثم إلى والده ووالدته قائلا: “الله يرحمهم و يسكنهم جناته وحشتونى قوى و بحبكوا قوى”
أضاف فراج: “أستاذى الأول و اللى علمنى يعنى إيه تمثيل .. اول واحد خدنى وانا لسه لحمه حمرا فى الشغلانه لا أفقه شيئ فيها و طلعنى على المسرح .. أستاذ حسين محمود .. رحمك الله يا أستاذى”.
كما وجه الشكر إلى المخرج تامر محسن، مخرج مسلسل “هذا المساء”، قائلا: “أستاذى و صديقى العزيز قوى اللى معرفتنا ببعض إبتدت من ٤ سنين واللى بعتبره أخ أكبر واللى فعلا إتعلمت منه حاجات مهمه قوى فى شغلانتى دى واللى بتشرف انى اشتغلت معاه فى كل الأعمال اللى أخرجها بدايةً من مسلسل بدون ذكر أسماء فى رمضان ٢٠١٣ و بعد كده فيلم قط و فار ثم مسلسل تحت السيطره و أخيرا و ليس آخرا مسلسل هذا المساء السنه دى”.
تابع فراج موجها حديثه إلى الفنانة بسنت شوقي: ” الحته الطرية روح الروح قلب القلب مزتى و صاحبتى وحبيبتى و رفيقة الدرب زى ما هى بتقول اللى بموت فيها و أكتر بنوته حبتها فى حياتى اللى شافت بلاوى معايا و استحملت حاجات كتير قوى مش لطيفه منى .. من أول ما عرفتها وقعتنى فى حبها و موتتنى فى دباديبها و اللى بردو بعترف انى اتعلمت منها حاجات مهمه قوى فى الحياه و فى الشغلانه مع انى بمثل من قبليها بكتييير بس هى أثبتتلى انها مش بالأقدميه ولا بالسن”.
أوضح أن هؤلاء هم أكثر الأشخاص الذين أثروا فيه خلال حياته، مضيفا: “الأربعة دول بعد ربنا هما من أهم الناس اللى أثرت فى حياتى كلهم اتعلمت منهم .. طبعا فى ناس تانيين مهمين جدا ( قليلين مش كُتار ) فى حياتى لكن دول ليهم حته كده فى قلبي.. اللى مش عايش فيهم كنت أتمنى إنه يكون عايش عشان يشوف نجاحى و يفرح بيه و اشوف بعنيه فرحته دى و اللى عايش فيهم ربنا يديله الصحه و طولة العمر و نفرح مع بعض بنجاحات تانيه أهم و أكبر .. بحبكوا قوى كلكوا و جميلكو على رأسى من فوق”.