رضا عبد العال: "المدربين بياكلوا عيش من تدريب الزمالك"

علّق رضا عبد العال، لاعب منتخب مصر السابق، على خروج نادي الزمالك من دورى أبطال إفريقيا، بعد التعادل أمام أهلي طرابلس فى برج العرب، مبررًا ذلك بطريقة إدارة مسؤولي الزمالك فى تغيير المدربين، بعد تولي 18 مديرًا فنيًا خلال 3 سنوات.

وقال عبد العال، خلال حواره مع الإعلامي إبراهيم فايق، فى برنامجه “ملعب 9090″، إن جميع من تولّوا تدريب الزمالك كانوا لا يصلحون للاستمرار فى النادي، و”كله كان عايز ياكل عيش وخلاص، حتى أحمد حسام ميدو وحسام حسن و فيريرا اللى جاب الدوري والكأس” على حد قوله.

تابع: “لما أتولى تدريب فرق زي الأهلي والزمالك عندهم إمكانيات وموفرين كل حاجة.. مينفعش أتعادل ماتشين ورا بعض وأخسر بعدهم كمان”.

واستطرد: “لكن شوف بقى المدرب الدكر، إيهاب جلال، المدير الفنى للمقاصة، حاطط شروط ولغاية دلوقتى متمسك بيها عشان يتولى الزمالك”.