داعية سلفي: المايوه الشرعي "حرام" - E3lam.Com
انتقد الداعية السلفي سعيد عبد الفتاح، المعروف باسم “أبو أسلم السلفي”، المايوه الشرعي، مؤكدا أنه حرام شرعا ولا يجوز ارتداؤه.
وقال أبو أسلم السلفي، في منشور عبر صفحته على موقع التواصل الاجتماعي “فيس بوك”: “مفيش حاجه اسمها مايوه شرعي، اوعى الشيطان يضحك عليكِ، مفيش حاجة اسمها تنزلي المياه وترفعي النقاب، لو حضرتك منتقبة ديانة لله عز وجل يبقى النقاب في البلكونة والشارع وقدام ابن عمك وابن عمتك وفي المصيف وفي كل مكان، مش بمزاجك”.
وتابع “السلفي” منشوره بالقول: “مفيش حاجة اسمها ده راجل كبير عادي، الحرام على الصغير حرام على الكبير، مفيش حاجة اسمها صاحبي أو زميلي، وتبادل تليفونات ورسايل واتس وإرسال صور وتبادل إيموشنات، وبعد كده نتكلم في الحياة الزوجية والخصوصيات وأسرار البيت، وكل واحد يعيش دور المظلوم من الطرف التاني اللي معاه، مفيش حاجة اسمها لسه صغير، ما دام بالغ وجب عليكِ تتعاملي معاه معاملة البالغ العاقل من ناحية السلام والخلوة والخروج والسفر والحجاب”.
واستكمل الداعية السلفي منشوره: “مفيش حاجة اسمها خطيبي، خطيبك ده أجنبي عنك، الحق الوحيد ليه إنه لا يجوز خطبتك على خطبته، غير كده ملوش لا خروج ولا فسح ولا يمسك إيدك ولا بحبك ولا انت عمري ولا الجو ده خالص، مفيش حاجة اسمها رحلة فيها صحابك بنات وولاد وطالعة 3 أيام ومش معاك محرم، أقسم بالله حرام عليك وعلى الأب”.
