دعاء فاروق تتحدى"منع المايوه الشرعي": اتقوا شر الحليم - E3lam.Com
شنت الإعلامية دعاء فاروق، هجوما شديدا، على قرار منع “المايوه الشرعي” أو “البوركيني”، والنزول به في حمامات السباحة التابعة للفنادق.
قالت دعاء فاروق، عبر منشور لها عبر حسابها الشخصي بموقع التواصل الاجتماعي “فيسبوك”: “أقر أنا دعاء فاروق المذيعة إنى هفضل البس المايوه الشرعي أو البوركيني وهنزل بيه في المكان اللي يعجبني في مصر طالما التزم بقوانين المكان وهي ارتداء المايوه وطالما أحافظ على سلوكياتى وأخلاقى داخل المكان يبقى محدش له عندى حاجة ويبقى يستجرى اى حد يطلعنى من الماية. .. أقسم بالله العظيم لاطلب له النجدة واثبت حالة وهرفع قضية وهكسبها وهاخد تعويض عن المهانة والأذى النفسى اللى سببهولى المكان قدام ولادى وقدام الناس … ولقد اعذر من انذر”.
تابعت: “والسادة اللى بيشجعوا البيكيني بس ييجوا عند المايوه المقفل من فوق لتحت يقلبوا شيوخ ويتكلموا فى الشرع ويقولك المفروض لا يصف ولا يشف وعاوزين يتوبوا المحجبة عن لبس المايوهات الشرعى على أساس أنها حرام .. مالكوش فيه خالص وركزوا فى نفسكم ومتتكلموش فى الشرع يا حبايبى. .. وكل واحد حر فى نفسه وفى لبسه”.
اختتمت حديثها قائلة: “اكرر اللى هيقرب منى فى أى أوتيل فى مصر هيعمل بلبلة فى الاوتيل بتاعه …. اتقوا شر الحليم المحترم اللى فى حاله اذا غضب … احنا ناس محترمين وراقيين وفى حالنا وأنضف وأرقى مما ممكن تتخيلوا بلاش تعادونا عشان مش هتشوفوا طيب”.
يذكر أن وزارة السياحة كانت قد أصدرت قراراً بالسماح للسيدات المحجبات بنزول حمامات السباحة في القرى السياحية مرتدين “المايوه الشرعي” المعروف بالـ”بوركيني”، إلا أنها تراجعت في اليوم التالي عن هذا القرار حيث أصدرت الوزارة قراراً جديداً يلغي قرارها الذي أصدرته أمس لحين دراسة الأمر بعمق.
