النني: كنت مكسوف وأنا بكلم مارادونا
روى اللاعب المصرى محمد النني، المحترف فى صفوف أرسنال الإنجليزى، كواليس لقائه النجم العالمى مارادونا.
قال “النني”، فى تصريحات لتليفزيون النادي الإنجليزى، إنه قابل مارادونا على هامش حضورهما حفل الفيفا لتوزيع جوائز الأفضل فى العالم، الذى أقيم فى العاصمة الإنجليزية لندن، مؤكدًا: “مبسوط بصورتى مع مارادونا وبجد حاجة جميلة أنك تقرب من أحسن اللاعيبة فى العالم، خلصت الحفلة وذهبت للفندق وسلمت عليه، ناس قالوله إنى بلعب فى أرسنال قالهم إنه متابعه وبتفرج عليه”.
وأوضح الننى: “كنت مبسوط وأنا واقف جنبه، اسم مارادونا لوحده كفاية، وحاجة عظيمة إنى أتصور معاه، ربنا ممكن يكافئنى بحاجة بسيطة ممكن تكون صورة مع أسطورة قدر قيمتى وقدر لعبى”، متابعًا: “كنت مكسوف وأنا بكلمه وقولتله مبسوط أنى شوفتك”.