"الحسيني" بعد خروج "العادلي" من السجن : أنا سعيد أوي!

25 مارس 2015 | 11:11 مساءً

عٌلق الإعلامي يوسف الحسيني ساخراً خلال برنامجه “السادة المحترمون” الذي يُعرض على قناة ON TV على خروج وزير الداخلية السابق حبيب العادلي من السجن بعد حصوله على البراءة من التهم الموجهة إليه، قائلاً “حبيب العادلي طبعاً بعد ما خرج من السجن ورايح على البيت بتاعه في 6 أكتوبر هيقول يا إدريس هات الروب الأحمر بتاعي من جوة .. ده إللي فاضل … حاجة جميلة الحقيقة ، أنا سعيد ومبسوط أوي، بس لا تعليق على أحكام القضاء !”

وتساءل الحسيني “كلهم خدوا قبل كده أحكام مشددة بـ 25 سنة في درجة أولى، طب إللي ياخد حكم 25 سنة ده في تاني درجة بيطلع براءة؟ ولا يبقوا المقروض 15، طب 10 أو خمسة، كده يعني، لكن من 25 لـ براءة!! .. هو مش القاضي إللي إداه 25 سنة كان عنده أدلة؟! ”