الرئيس السيسي: أنا مش ناسي واقعة "ريجيني" - E3lam.Com
قال الرئيس عبدالفتاح السيسي إن افتتاح حقل غاز ظهر اليوم إنجاز لكل المصريين وأكد على أن أمن واستقرار مصر السياسي والاقتصادي من أمنه الشخصي وأضاف: “محدش يعبث بأمن مصر، محدش يأخذكم في سكة تضيع بلدكم وهو مش فاهم حاجة”.
نرشح لك: ماذا طلب السيسي من المصريين بخصوص انتخابات الرئاسة؟
ووجه السيسي كلامه للشعب المصري خلال كلمته في افتتاح حقل “ظهر” للغاز الطبيعي بمحافظة بورسعيد، قائلًا: “محدش ياخدكم للضياع، الحقل ده يمثل 60% من احتياجنا للكهرباء في مصر، الدنيا بتشتغل لإن وراها دولة بتشتغل، ومسؤولين مجتهدين، أنا أروح بس مصر تفضل، الكلام اللي اتعمل من 7 سنين مش هيتكرر تاني في مصر، اللي منجحش ساعتها مش هيتكرر تاني دلوقتي، كلكم متعرفونيش، لا والله أمن مصر تمنه حياتي وحياة الجيش”.
يأتي هذا الحديث خلال استعراض السيسي لمشروع حقل ظهر الغازي، كما تعرض السيسي لقضية مقتل الشاب الإيطالي جوليو ريجيني قائلا: “عرفتوا ليه عايزين يبوظوا علاقتنا بأقرب بلد لينا في البحر المتوسط؟، علشان منوصلش للإنجاز ده وتتوقف المودة والمحبة نتيجة الحادثة دي، أنا مش ناسي واقعة ريجيني وإحنا بنعزي أسرته ومش هنسيب الموضوع ده وهنجيب الجناة ونحاسبهم”.
واختتم السيسي حديثه بتوجيه الشكر لشركة “إيني” الإيطالية المديرة لمشروع “ظهر”، كما شكر رئيس الوزراء على مجهودات الحكومة لإتمام هذا المشروع.