رسالة من "زينة" ووالدتها إلى والدها في ذكرى وفاته العاشرة - E3lam.Com

نشرت الفنانة زينة مقطع فيديو لها على موقع تبادل الصور “إنستجرام” وهي تقوم بالدعاء أرفقته بكلمات خاصة لوالدها في ذكرى وفاته العاشرة.

نرشح لك: صورة: طلاق زينة وأحمد عز

وكتبت زينة على المقطع إن الكلام المُرفق هو رسالة كتبتها والدتها إلى والدها في ذكرى وفاته وجاء فيه: “غدا إن شاء الله الذكرى السنوية العاشرة لوفاة زوجي المرحوم المهندس رضا إسماعيل.. أغلى وأحن رجل في الوجود أنا مش عارفة إزاى مروا 10 سنين علي وفاته وأنا لوحدى في الدنيا دي كلها .. هو كان السند والضهر اللي انكسر بعد وفاته والبسمة والكلمة الحلوة وكل حاجة حلوة راحت معه..”

وتابعت: “ولا طعم لأي حاجة من غيره مهما كانت حلوة بس حلاوتها ناقصة مرة بجد والله وهو موجود أي حاجة ولوبسيطة كانت بيبقي لها طعم تاني.. الله يرحمه ويجعل مثواه الجنة ويغفرله ويسامحه لإنة كان قلبه أبيض وطيب وعمره ما زعل حد..” وتابعت والدة زينة الدعاء لزوجها بالجنة والرحمة وشفاعة الرسول.

من جانبها علقت “زينة” قائلة: “ده كلام كتبته ماما لأبويا الله يرحمه.. كان أب وزوج وإنسان مفيش منه الله يرحمه”.

وأوضحت أن والدتها لازالت تبكي على فراقه حتى الآن، منوهة أنها تعلمت الحب في منزلها من والدها ووالدتها واختتمت: “اللهم أعف عن أبويا يارب واجعله في أعلى درجات الجنة”.

View this post on Instagram

ده كلام امي عن ابويا الله يرحمه….. غدا ان شاء الله الذكرى السنوية العاشرة لوفاة زوجي المرحوم المهندس رضا اسماعيل اغلي واحن رجل في الوجود انامش عارفة ازاى مروا 10 سنين علي وفاته وانا لوحدى في الدنيا دى كلها هو كان السند والضهر اللي انكسر بعد وفاته والبسمة والكلمة الحلوة وكل حاجة حلوة راحت معه ولا طعم لاي حاجة من غيره مهما كانت حلوة بس حلاوتها ناقصة مرة بجد والله وهو موجود اي حاجة ولوبسبطة كانت بيبقي لها طعم تاني الله يرحمه ويجعل مثواه الجنه يارب ويغفر له ويسامحه لانه كان قلبه ابيض وطيب وعمره مازعل حد ولاعمل حاجة وحشة في حد ابدا وعمرى مانسيته ولاحتي يتفع انساه كل حاجة في البيت بتنطق باسمه ولمساته في البيت كل حته وحتي الحيطان والله وحتي الاكل ووقفته معايا في المطبخ انا لحد دلوقت اقسم بالله بحس انه واقف معايا وبيكلمني وساعات الاقي نفسي بكلم روحي لانه هو كان روحي وحياتي ودنيتي كلها منتظرة الوقت اللي ربنا ياذني لي فيه واروح وانام جنبه بقي واحكي له زى مااتعودت معه اني احكي له كل حاجة لما يسافر ويرجع …وحشني قوى ووحشتني الحكاوى معه وضحكته الحلوة واهتمامه وخوفه عليه وكل حاجة حلوه فيه وحشتني وحشني وحشني وحشني 100000000مليون رحمة عليك ياحبيبي وروحى وقلبي وعنيه…..يارب لاتحرمه من جنتك ولاعطفك ولارضاك يارب…ارحمه يارب وشفع نبينا محمد عليه الصلاة والسلام واسقه من يده الشريفة شربة هنيئة لايظما بعدها ابدا يارب ده كلام كتبته ماما لابويا الله يرحمه …💔 كان اب وزوج وانسان مافيش منه الله يرحمه . أمي مابطلتش تعيط عليه كل يوم لغاية الان …اتعلمت الحب في بيتنا من كتر ما أمي وأبويا كانوا بيحبوا بعض وبيحبونا اللهم أعفوا عن ابويا يارب واجعله في أعلي درجات الجنة .

A post shared by Zeina Reda (@zeinareda29) on

إنستجرام زينة