السيسي لسيدات مصر : شجعوا أزواجكم وأبناءكم ينزلوا الانتخابات - E3lam.Com
قال الرئيس عبد الفتاح السيسي خلال الاحتفال بيوم المرأة والأم المثالية إن أمهات الشهداء لن يجاملنه بدم أولادهن، وأقسم قائلًا: ” خلال الخمس سنوات الماضية التقيت بأسر الشهداء في كل المناسبات ، ووالله لم أسمع بكلمه لوم واحدة من أم شهيد أو زوجة أو ابنة شهيد، مش عايزة تحرجني أو تكسفني، بل بتقول فدا مصر”.
نرشح لك: انتصار السيسي تشارك في احتفالية تكريم المرأة المصرية
طلب الرئيس عبد الفتاح السيسي من الحضور الوقوف تحية إجلال وتقدير لسيدات مصر، وأوضح أن كلامه عن تضحية السيدة المصرية لا ينتهي قائلًا: “ضمن مئات السيدات اللاتي التقيت بيهم مفيش سيدة مصرية قالت كلمة تعترض فيها على أنها فقدت الشهيد للأبد وهو السند والحبيب والابن الغالي لكنها كانت دائما شايفة مصر، تبتلع أحزانها لجل خاطر بلدها دي تجربتي”.
ووجه السيسي كلامه للرجل المصري قائلًا: “من فضلك احترم وقدر وتأدب مع كل ست أو بنت، دى مش تفضل دى عرفان مننا، فخلال السبع سنوات اللى فاتت، السيدات أكتر ناس دفع وتألم حين ساءت الأمور المادية والحياتية، فلما بقول عظيمات مصر أنا مش ببالغ”.
وذكر الرئيس دور السيدة المصرية حين طلب التفوض لمحاربة الإرهاب قائلًا: ” وقت الجد لن أنسي شهري 6و 7 ،2013 لما قلنا محتاجين تفويض كان أول مرة أشوف السيدات المصريات بيعملوا إيه علشان خاطر بلدهم، خدوا أولادهم وأزواجهم ونزلوا يفطروا في الشارع علشان خاطر مصر”.
ثم تحدث السيسي عن حواره مع المخرجة ساندرا نشأت والذي تم إذاعته أمس الثلاثاء قائلًا: ” شفتوا لقاء إمبارح في التسجيل اللى تم كل السيدات العظيمات اللى اتكلموا مفيش حد فيهم اشتكي ودة أمر مش مترتب ومحدش قال خللى الريس يرخص الحاجة شوية”.
ووجه خطابه للأمهات المثاليات قائلًا: “كنتوا بتسهروا مع أولادكم لجل تشوفوهم ناجحين، إنتوا دلوقتي بتسهروا مع مصر، وبكررهالكم تاني مصر أم الدنيا وهتبقي قد الدنيا”.
أشار الرئيس إلى الأحداث الأمنية التي مرت بها مصر خلال الأربع سنوات الماضية قائلا: ” اللى حصل خلال الاربع سنوات مكنش فيه خيار غيره، محدش عاوز يألم أهله أو يقسوا عليهم، أو يعرضهم لظروف صعبة إلا إذا كان مكره، وبنتمنى وطننا يتقدم للأفضل والأعظم”.
كما تطرق للانتخابات الرئاسية الجارية قائلًا: “محتاجكم لأن المشوار لسة مخلصش، فيه ناس بتحاول تاكل كتاف مصر ودة ميقفش قدامه غير شعب مصر، حتى لو نزل شعب مصر وقال لا دة هيعتبر أمر عظيم وهينفذ فورًا، علشان نأكد للعالم إن البلد دى بيحكمها شعبها مش حد تاني، بإننا كشعب ننزل ونقول إحنا موجودين وحاضرين ولو مش عاوزين مش هيقعد في مكانة ثانية، شجعوا أبناءكم وأزواجكم واعملوا مظاهرة وانزلوا”.